జక్కన్న ఈ స్పెషల్ గిఫ్ట్ పనికిరానిదేగా...

Posted: 06/30/2017 12:17 PM IST

దర్శక ధీరుడు రాజమౌళికి నేచురల్ స్టార్ నాని అంటే ఎంత స్పెషల్ బాండింగ్ ఉంటుందో ప్రత్యేకంగా చెప్పాల్సిన అవసరం లేదు. బాహుబలి ది కంక్లూజన్ ఆడియో వేడుకకు టాలీవుడ్ లో ఉన్న అందరినీ పక్కన పెట్టేసి కేవలం నానికి మాత్రమే ఇన్విటేషన్ పంపించటం, అంతెందుకు బిజీ షెడ్యూలో కూడా నాని కోసం టైం కేటాయించి మజ్నులో కోమియో చేశాడంటే అర్థం చేసుకోవాలి.

ఇదిలా ఉంటే నిన్ను కోరి సినిమా ప్రీ రిలీజ్ పంక్షన్ కు జక్కన్న హాజరైన విషయం తెలిసిందే. సినిమా సక్సెస్ అవ్వాలని ఆశీర్వదించటమే కాదు.. నాని గురించి ఓ రేంజ్ లోనే పొగిడాడు కూడా. ఆ మధ్య సినిమా ట్రైలర్ చూశాక సినిమా ఫస్ట్ డే, ఫస్ట్ షో చూడాలని కోరుకుంటూ ఓ ట్వీట్ వేసిన విషయం తెలిసిందే. ఈ కోరికను మన్నించి అందుకు తగ్గట్లే ఓ స్పెషల్ గిఫ్ట్ ఇచ్చాడు నాని. అయితే అది చూసిన వారంతా సోషల్ మీడియా లో జోకులు పేలుస్తున్నారు.

జంబో టికెట్ ను ప్రజెంట్ గా ఇచ్చిన టీం దాని మీద టికెట్ ధర 150 గా నిర్ణయించింది. సినిమా రిలీజ్ అయ్యేది జూలై 7న, అంటే అప్పటికే జీఎస్టీ అమలు అయిపోయి ధర 200 గా మారిపోయి ఉంటుంది. ఇప్పటికీ అడ్వాన్స్ బుకింగ్ ఇంకా పెట్టలేదు కాబట్టి అది కరెక్ట్ కాదు. సో... నాని ఇచ్చిన స్పెషల్ గిఫ్ట్ చెల్లదన్న మాట అంటూ సెటైర్లు వేస్తున్నారు కొందరు. మరో పక్క కోన విషయంలో ఫ్యాన్ కు వార్నింగ్ ఇచ్చి నాని కూడా నానుతున్నాడు.