జైలవకుశ టీజర్ లీక్.. డ్యామేజ్ కాదు హైప్

Posted: 06/28/2017 03:14 PM IST

జూనియర్ ఎన్టీఆర్ జైలవకుశ టీజర్ లీక్ కావటం, గంటల వ్యవధిలోనే నిర్మాత కళ్యాణ్ రామ్ స్పందించటంతో అది వైరల్ అవ్వటం ఆగిపోయింది. అయితే అప్పటికే కొన్ని వెబ్ సైట్లు స్క్రీన్ షాట్లు, వీడియో ఎడిటింగ్ ల రూపంలో పెట్టేయంతో అవి ఇప్పుడు ఇంకా వైరల్ అవుతూనే ఉన్నాయి. మరోపక్క నిందితుడు గణేష్ పై కళ్యాణ్ రామ్ ఫిర్యాదు చేయటంతో అతన్ని కటకటాల వెనక్కి నెట్టేశారు.

ఇదిలా ఉంటే ఈ లీకేజీ ఒక రకంగా సినిమాపై అంచనాలు మరింత పెంచేసింది. ఎన్టీఆర్ లుక్కుతోపాటు అందులో కట్ చేసిన సీన్లకు సంబంధించి ఫోటోలు హల్ చల్ చేస్తున్నాయి. రావణాసురుడి విగ్రహం ముందు ఎన్టీఆర్ నడిచి వస్తుంటే, వెనక ఓ ఫైటర్ గాల్లోకి ఎగురుతున్నట్టు ఉన్నట్లు, ఆపై ఏనుగు దంతాల వంటి ఆకృతి గల సింహాసనంపై చేయికి మెటల్ చెయిన్ కట్టుకుని, ఓ గండ్ర గొడ్డలి పట్టుకుని ఎన్టీఆర్ వికటాట్టహాసం చేస్తున్న దృశ్యాలు కనిపించాయి.

చూస్తుంటే నెగటివ్ రోల్ కు సంబంధించిన వీడియోతోనే టీజర్ రిలీజ్ చేసేందుకు చిత్ర యూనిట్ రెడీ అయినట్లు స్పష్టమౌతోంది. జూలై మొదటి వారంలోనే టీజర్ రిలీజ్ చేయాలనుకోగా, ఇప్పుడు ఈ వ్యవహారం వెలుగు చూసింది. మరి లీక్ నేపథ్యంలో మరోకొత్త టీజర్ తో చిత్ర యూనిట్ మన ముందుకు వస్తుందా? చూడాలి.