సుదీప్ విడాకులు... లాస్ట్ ఛాన్స్

Posted: 06/16/2017 01:02 PM IST

సినీ సెలబ్రిటీలు తమ వ్యక్తిగత కారణాలతో విడాకులు తీసుకోవటం ఈ మధ్య ఫ్యాషన్ గా మారింది. బాలీవుడ్, కోలీవుడ్, మాలీవుడ్ ఇలా అన్ని భాషల్లో ఏళ్ల తరబడి కొనసాగుతున్న బంధాలకు పుల్ స్టాప్ పెట్టేసి విడిపోతున్నారు. ఈ లిస్ట్ లో కన్నడ స్టార్ హీరో సుదీప్ ఎప్పుడెప్పుడు జాయిన్ అవుతాడా? అని శాండల్ వుడ్ ఆసక్తితో ఎదురు చూస్తోంది.

అయితే ఆ దంపతుల వ్యవహారం మాత్రం చాలా విచిత్రంగా ఉంది. అంతకు ముందే ప్రేమించుకున్న ప్రియాను 2001 లో సుదీప్ పెళ్లిచేసుకున్నాడు. వీరిద్దరి కి శాన్వి అనే పాప కూడా ఉంది. అయితే ఏం జరిగిందో ఏమో తెలీదుగానీ 2015 లో ఈ జంట విడాకుల కోసం దరఖాస్తు చేసుకుంది. కానీ, ఈ రెండేళ్లలో వాళ్లు ఒక్కసారి కూడా కోర్టుకు హాజరుకాకపోవటం గమనార్హం. ఒకానోక టైంలో నటి నిత్యామీనన్ తో సుదీప్ అఫైర్ కారణంగానే వీరి విడిపోయారన్న టాక్ నడవగా, తర్వాత ఆ పరిస్థితులు చక్కబడి ఇద్దరు కాంప్రమైజ్ అయ్యారనే పుకారు కూడా ఒకటి ఉంది.

తాజాగా 9వ సారి కేసు న్యాయమూర్తి ముందుకు రాగా బ్యాంకాక్ షూటింగ్ లో బిజీగా ఉన్న సుదీప్ గైర్హాజరు కాగా, ఇక్కడే ఉన్న ప్రియ కూడా కోర్టుకు వెళ్లలేదు. దీంతో కూతురి కోసం వీరిద్దరు మనసు మార్చుకున్నారేమోనన్న అనుమానాలు కలుగుతున్నాయి. వీరిద్దరికి చివరిసారిగా ఓ ఛాన్స్ ఇచ్చి ఆపై కేసును క్లోజ్ చేయాలని జడ్జి డిసైడ్ అయ్యాడు.