కేన్స్ కి వెళ్లితే మన హీరోయిన్ ను మొత్తం దోచేశారు

Posted: 05/26/2017 04:01 PM IST

బాలీవుడ్ తోపాటు సౌత్ చిత్రాల్లో నటించిన హీరోయిన్ విశాఖ సింగ్ కు ఊహించని షాక్ తగిలింది. ఫ్రాన్స్ లో కేన్స్ ఉత్సవాలకు వెళ్లిన ఈ 31 ఏళ్ల బ్యూటీ బ్యాగ్ దొంగతనంకు గురైంది. దీంతో ఆమె ఫ్రాన్స్ పోలీసులను, ఆపై ఇండియన్ ఎంబసీ సాయం తీసుకుంది.

తాను ఉంటున్న హోటల్ రూంలో బ్యాగ్ పెట్టి బయటికి వెళ్లి వచ్చేసరికి అందులోని విలువైన నగలు, పాస్ పోర్ట్ మిస్సయినట్లు ఆమె ఫిర్యాదు లో పేర్కొంది. అయితే ఫ్రాన్స్ పోలీసులు సకాలంలో స్పందించకపోవటంతో ఆమె భారత రాయబార కార్యాలయంను సంప్రదించిందంట. దీంతో వారు తాత్కాలిక పాస్ పోర్ట్ ఇచ్చి, ఆమెను ఇండియాకు పంపించేందుకు ఏర్పాట్లు చేసినట్లు తెలుస్తోంది. నేను సేప్ గానే ఉన్నానంటూ సోషల్ మీడియాలో కూడా ఆమె తెలిపింది.

2007లో జ్నాపకం అనే సినిమాతో ఆరంగ్రేటం చేసిన ఈ డస్కీ బ్యూటీ బాలీవుడ్ లో ఫక్రే సినిమాతో మంచి గుర్తింపు పొందింది. మూడేళ్ల క్రితం నారా రోహిత్ హీరోగా వచ్చిన రౌడీ ఫెల్లోలో విశాఖ సింగే హీరోయిన్. ప్రస్తుతం తురమ్, మాయా టేప్, ఫక్రే 2 చిత్రాలతో ఆమె బిజీగా ఉంది. ఇదిలా ఈ మధ్యే సింగర్ కమ్ డబ్బింగ్ ఆర్టిస్ట్ చిన్మయి అమెరికా ఎయిర్ పోర్ట్ లో ఇదే రీతిలో దోపిడీకి గురైన విషయం తెలిసిందే.