ఉయ్యాలవాడ చిత్రంపై మెగాస్టార్ ఏమన్నారో తెలుసా..?

Posted: 05/21/2017 01:58 PM IST

Chiranjeevi responds on his next project uyyalavada movie

మోగాస్టార్ చిరంజీవి రీ ఎంట్రీతో తన సత్తా ఏమాత్రం తగ్గలేదని చాటిచెప్పారు. ఖైదీ నెంబరు 150 తరువాత తాజాగా స్వతంత్ర సమరయోధుడు 'ఉయ్యాలవాడ నరసింహా రెడ్డి' చిత్రాన్ని ఆయన తెరకెక్కనుంది. ప్రస్తుతం ఈ సినిమాకి సంబంధించిన సన్నాహాలు జరుగుతున్నాయి. తాజాగా ఈ సినిమా గురించి చిరంజీవి మాట్లాడారు. జరిగిన చరిత్రను సినిమాగా తీయడమనేది అంత తేలికైన విషయం కాదనీ, అది ఎంతో శ్రమతో కూడుకున్నదని చిరంజీవి అన్నారు.

'ఉయ్యాలవాడ నరసింహా రెడ్డి' చరిత్రను ఎంతో జాగ్రత్తగా పరిశీలించి ఈ సినిమాకి పరుచూరి బ్రదర్స్ కథను అందించారని చెప్పారు. ఇక దర్శకుడు సురేందర్ రెడ్డి కూడా ఎంతగానో పరిశోధించి, ఈ సినిమాకి స్క్రీన్ ప్లేను సమకూర్చాడనీ అన్నారు. ఈ సినిమాకి జాతీయ స్థాయిలో మార్కెట్ చేసే సత్తా ఉందనీ, అందువల్లనే ఆ విషయాన్ని దృష్టిలో పెట్టుకుని నటీనటులను .. సాంకేతిక నిపుణులను ఎంపిక చేయడం జరుగుతుందని చెప్పారు. మెగా అభిమానుల అంచనాలను అందుకునేలా ఈ సినిమా రూపొందుతుందనే విషయాన్ని స్పష్టం చేశారు.