భారీ ఎత్తున్న బాహుబలి 2 రిలీజ్

Posted: 04/21/2017 03:27 PM IST

Baahubali 2 film to get a big release in telugu states

తెలుగు సినీ చరిత్రలో కనివిని ఎరుగని మహాద్భుతానికి బాహుబలి ది కంక్లూజన్ వేదిక కాబోతుంది. కర్ణాటక లో వివాదానికి కూడా సత్యరాజ్ క్షమాపణలతో శుభం కార్డు పడిపోవటంతో ఇక రిలీజ్ పై దృష్టిసారించారు మేకర్లు. ప్రపంచవ్యాప్తంగా భారీ ఎత్తున్న బాహుబలిని గ్రాండ్ గా రిలీజ్ చేసేందుకు అంతా సిద్ధం చేసేశారు.

ఇప్పటికే ఐదు షోలకు అనుమతి లభించగా, టికెట్ల రేటు పెంచేందుకు కూడా ఆటంకాలు తొలగబోతున్నాయని తెలుస్తోంది. ఇక మునుప్పెన్నడూ లేని విధంగా కేవలం తెలుగు రాష్ట్రాల్లోనే ఓ లెవల్లో రిలీజ్ కు రంగం సిద్ధం అవుతోంది. తెలంగాణ, ఆంధ్రప్రదేశ్ లో కలిపి మొత్తం 2600 థియేటర్లలో బాహుబలి ది కంక్లూజన్ రిలీజ్ కాబోతుందంట. పెద్ద సినిమాలను మాములుగా మొదటి రోజు వరకే పరిమితం చేసినట్లు కాకుండా వారాంతం మొత్తం నడిపించేయాలని డిస్ట్రిబ్యూటర్లు రెడీ అయిపోయారు.

ఇక ఇండియాలో ప్రమోషన్లు దగ్గరి పడిపోవటంతో విదేశాలకు బయలుదేరుతోంది బాహుబలి టీం. రాజమౌళి, ప్రభాస్, రానా, అనుష్కలు 25న దుబాయ్ సిటీ వాక్ లోని రాక్సీ సినిమాస్ లో నిర్వహించబోయే ఈవెంట్లో సందడి చేయబోతున్నారు. మొదటి పార్ట్ దాదాపు 650 కోట్ల కలెక్షన్లతో ఇండియాలోనే మూడో హయ్యెస్ట్ చిత్రంగా నిలిచిన విషయం తెలిసిందే. ఇప్పుడు రెండో పార్ట్ తో వెయ్యి కోట్ల కలెక్షన్లను టార్గెట్ చేశాడు దర్శకధీరుడు. ఏది ఏమైనా ఏప్రిల్ 28 తెలుగు ఇండస్ట్రీకే కాదు యావత్ ఇండియన్ ఫిల్మ్ ఇండస్ట్రీకే చాలా కీలకం కానుంది.