మోహన్ లాల్ పై కామెంట్లు.. యువకుడి అరెస్ట్

Posted: 03/08/2017 03:40 PM IST

ఒక్క మళయాళంకే కాదు, యావత్ సౌతిండియాలో మోహన్ లాల్ ఓ స్టార్ హీరో. అప్పటికే మాలీవుడ్ లో సీనియర్ హీరోగా చెలామణి అవుతున్న ఈ కంప్లీట్ యాక్టర్ ఈ మధ్య వరుసగా తెలుగు, తమిళ్ సినిమాల్లో కూడా సక్సెస్ లు చవిచూస్తున్నాడు. అలాంటి సీనియర్ హీరోపై సంచలన కామెంట్లు చేసినందుకు ఓ యువకుడు ఊచలు లెక్కించాల్సిన పరిస్థితి ఏర్పడింది. వీడియో కోసం క్లిక్ చేయండి

మోహన్ లాల్ తోపాటు ఆయన సన్నిహితుడు, నిర్మాత అయిన ఆంటోనీ పెరుంబవూర్ లు సెక్స్ రాకెట్ నడుపుతున్నాడంటూ త్రిస్సూర్ కు చెందిన నషి అష్రాఫ్ అనే యువకుడు ఓ సెల్ఫీ వీడియో తీసి తన ఫేస్ బుక్ లో పోస్ట్ చేశాడు. అయితే గతంలోనే ఆ యువకుడు ఈ కంప్లీట్ యాక్టర్ పై ఈ రకంగానే విమర్శలు చేశాడు కూడా. తాజా కామెంట్లపై సీరియస్ అయిన ఆంటోనీ పోలీస్ కంప్లైంట్ చేయటంతో నశిష్ ను అరెస్ట్ చేశారు. ఇదే కాదు ఈ మధ్య ఈ స్టార్ హీరో తరచూ వివాదాలు చిక్కుకుంటున్నాడు. కొంత కాలం క్రితం ఆయన ఓ ఆయుర్వేద థెరపీ ప్రారంభించగా, అందులో అవకతవకలు జరిగాయంటూ కొందరు తీవ్ర విమర్శలు చేశారు.

ఆ సంగతి పక్కనపెడితే పులి మురుగున్ తో మాలీవుడ్ బిగ్గెస్ట్ బ్లాక్ బస్టర్ చవిచూసిన మోహన్ లాల్ రెండు చిత్రాలతో ఈ యేడాది ప్రేక్షకులను పలకరించబోతున్నాడు. అందులో ఒకటి ‘విలన్’ కాగా, మరోకటి అల్లు శిరీష్ ఓ పాత్రలో కనిపించబోతున్న 1971, బీయాండ్ బార్డర్స్ సినిమా. విలన్ ఫస్ట్ లుక్ ఇప్పటికే రిలీజ్ అయి అక్కడ సెన్సేషన్ గా మారింది కూడా.