పెళ్లి వార్తను ఖండించిన అమల మాజీ భర్త

Posted: 03/04/2017 08:01 AM IST

తమిళ టాప్ డైరక్టర్ ఏఎల్ విజయ్ నటి అమల పాల్ తో ఇలా అఫీషియల్ గా విడాకులు తీసుకున్నాడో లేదో.. అలా మరో వివాహానికి సిద్ధమైపోయాడని వార్త ఒకటి చక్కర్లు కొడుతోంది. ఇక విషయం తెలియగానే షూటింగ్ స్పాట్ లోనే అప్ సెట్ కు గురైన అమల డల్ గా ఉందంటూ కహానీలు పుట్టుకొచ్చాయి. అయితే రెండో పెళ్లిపై కేవలం మీడియాలోనేనా? విజయ్ కూడా స్పందిస్తాడా? అని అభిమానులంతా ఎదురు చూస్తుండగానే మరో వార్త వచ్చింది.

సోషల్ మీడియాలో గత కొంత కాలంగా వస్తున్నవన్నీ పుకార్లే నని విజయ్ అఫీషియల్ గానే స్పదించాడు. వాస్తవానికి తనకు రెండో పెళ్లి చేసుకునే ఉద్దేశం లేదని స్పష్టం చేశాడు. కొన్ని వార్తాపత్రికలు తన పెళ్లి గురించి కల్పిత కథలు రాశాయని తెలిపాడు. అవి నిరాధారమైనవని స్పష్టం చేశాడు. వాస్తవాలు నిర్ధారించుకోకుండా వెలువడ్డ ఆ వార్తలు తనను బాధించాయని ఆవేదన వ్యక్తం చేశాడు.

తన ఎదుగుదలలో మీడియా కీలక పాత్ర పోషించిందని చెప్పిన విజయ్, తనపై ఇలాంటి పుకార్లు రాయవద్దని స్పష్టం చేసే నైతికహక్కు తనకు ఉందని ఆయన అన్నాడు. ప్రస్తుతం తాను ప్రేక్షకులను అలరించే సినిమాలు తీయడంపైనే పని చేస్తున్నానని, దానికి అంతా సహకరించాలని కోరాడు. ఇక ఆర్యతో ఓ ఫారెస్ట్ థ్రిల్లర్ సినిమా ను తెరకెక్కిస్తున్న విజయ్ ఆ ప్రాజెక్టులో బిజీగా ఉన్నాడంట. మరి ఇప్పుడు అమల ఎలా స్పందిస్తుందో అన్నదానిపై ఆసక్తి క్రియేట్ అయ్యింది.