జాక్వెలిన్ ఫస్ట్ లవ్.. లిప్ లాక్ ల గురించి...

Posted: 02/21/2017 09:48 AM IST

శ్రీలంకన్ బ్యూటీ, బాలీవుడ్ బ్యూటీ జాక్వెలిన్ ఫెర్నాండేజ్ కు ఏదీ దాచుకోవటం అస్సలు ఇష్టం ఉండదు. ఎలాంటి విషయాలనైనా కొంచెం కూడా మొహమాటం లేకుండా ఓపెన్ గా చెప్పేస్తుంటుంది. ప్రతి ఒక్కరి జీవితంలో కొన్ని డార్క్‌ సీక్రెట్స్‌ ఉంటాయంటున్న ఈ పొడుగు కాళ్ల బ్యూటీ వాటిని దాచుకుంటే ఏం లాభం అంటోంది. అయితే ఇంతదాకా మోడలింగ్ లైఫ్ లోని కోణం గురించే తెలుసు కానీ, పర్సనల్ వ్యవహారాల గురించి ఎక్కడా ప్రస్తావించని జాక్వెలిన్ ఫస్ట్ టైం వాటి గురించి రెస్పాండ్ అయ్యింది. 

రీసెంట్ గా ఓ ఇంటర్వ్యూలో మాట్లాడుతూ... తన తొలి ప్రేమ అనుభూతులు పంచుకుంది. పధ్నాలుగేళ్లకే తొలి ముద్దు అనుభవం చవిచూసానని, స్కూల్లో ప్రేమలో పడి ఒక కుర్రాడితో మూడేళ్లు ప్రేమాయణం సాగించానని చెప్పింది. అంతే కాకుండా స్కూల్లో వున్న రోజుల్లో తాను చాలా అమాయకంగా వుండేదాన్నని, తన అమాయకత్వాన్ని, బేలతనాన్ని కొందరు అడ్వాంటేజ్‌గా తీసుకున్నారని జాక్వెలిన్‌ తెలియజేసింది. స్కూళ్లో ఉండగా ఎక్కువ వాగుతుండటంతో తనకు రేడియో అనే పేరును కూడా పెట్టారని చెబుతోంది.

ఆ ఏజ్‌లో కొందరిని ముద్దు పెట్టుకోవడాన్ని ఇప్పటికీ బాధపడుతుంటానని చెప్పుకొచ్చింది. అందుకే ఇప్పుడున్న యువత చిన్న వయసు నుంచే మెచ్యూర్డ్ గా ఉండాలని, తమ కాళ్ల మీద నిలబడటం నేర్చుకోవాలని సూచిస్తోంది. ప్రస్తుతం సిద్దార్థ్ మల్హోత్రా హీరోగా తెరకెక్కుతున్న రీలోడెడ్ షూటింగ్ పూర్తి చేసుకున్న జాక్వెలిన్ సుశాంత్ రాజ్ పుత్ తో మరో సినిమాలో నటిస్తోంది.