బిత్తిరి సత్తి-శ్రీముఖి! వాట్ ఏ కాంబినేషన్...

Posted: 01/02/2017 12:36 PM IST

తెలుగులో ప్రస్తుతం హాట్ యాంకర్ గా చెలామణి అవుతున్న శ్రీముఖికి ఫ్యాన్స్ ఫాలోయింగ్ చాలా ఎక్కువగానే ఉంది. అందుకే అప్పుడప్పుడు వాళ్ల ఆనందం కోసం ఫోటోలు, వీడియోలు అప్ లోడ్ చేస్తుంటుంది ఈ తెలుగమ్మాయి. స్వతహాగా మెగా అభిమాని కావటంతో చిరు, పవన్ కళ్యాణ్ పాటలను, డైలాగ్ లను డబ్ స్మాష్ చేస్తుంటుంది. రీసెంట్ గా ఆమె చేసిన ఓ వీడియో సోషల్ మీడియాలో ఇప్పుడు వైరల్ గా మారుతోంది.

హ్యాండ్సమ్ తో డేట్ అంటూ ఓ వీడియోను అప్ లోడ్ చేయగా, అందులో ఉన్న వ్యక్తి శ్రీముఖిని పొగుడుతూ పాటలు పాడుతున్నాడు. ఇంతకీ అది ఎవరో కాదు.. బుల్లితెర హీరో బిత్తిరి సత్తి. న్యూస్ ఛానెల్ సెన్సేషన్ అయిన బిత్తిరి సత్తికి ఓ ఇంటర్వ్యూ వచ్చింది శ్రీముఖి. అంతకు ముందు వీరిద్దరు కలిసి ఈ డబ్ స్మాష్ చేశారు. మెగా 150 సినిమా ఖైదీ నంబర్ 150 లోని సుందరి సాంగ్ తోపాటు, సరైనోడులోని అతిలోక సుందరి పాటకు సత్తి పాడుతుంటే శ్రీముఖి ఇచ్చిన ఎక్స్ ప్రెషన్స్ అదిరిపోయిందనే అనుకోవాలి. ఈ వీడియోను డే్ట్ విత్ హండ్సమ్ బాయ్ యాష్ ట్యాగ్ తో తన ఫేస్ బుక్ లో శ్రీముఖి అప్ లోడ్ చేయగా, తెగ వైరల్ అవుతోంది.

ఇక గత రాత్రి న్యూ ఇయర్ సందర్భంగా ఈ కార్యక్రమం ప్రసారం అయ్యింది కూడా. సత్తితో సెటైరిక్ గా సాగిన ఈ ఇంటర్వ్యూలో హీరోయిన్ డ్రీమ్ తో సహా అన్ని ముచ్చట్లు చెప్పుకొచ్చింది ఈ హాట్ యాంకర్. త్వరలో త్రివిక్రమ్ -పవన్ కొత్త సినిమాతోపాటు, మరికొన్ని ప్రాజెక్టులు ఆమె ఖాతాలో ఉన్నాయంట.