శృతీహాసన్ ను చంపుతానని బెదిరింపులు

Posted: 11/11/2016 12:21 PM IST

Shruti haasan files complaint against bangalore doctor

ఒంటరిగా ఉండేందుకు ఎక్కువగా ఇష్టపడే నటి శృతీహాసన్ కు వేధింపులు అధికం అయిపోతున్నాయి. గతంలో ఓ వ్యక్తి తాను అపార్ట్ మెంట్ లో ఉండగా దాడి చేశాడంటూ పోలీస్ ఫిర్యాదు చేసిన విషయం తెలిసిందే. ఇక ఇప్పుడు మరో వ్యక్తి ఏకంగా శృతీని మర్డర్ చేస్తానంటూ హెచ్చరికలు జారీ చేశాడంట.

కర్ణాటకకు చెందిన ఓ వైద్యుడు చంపేస్తానని బెదిరిస్తున్నాడని పోలీసులకు ఫిర్యాదు చేసింది. కర్ణాటకకు చెందిన కేజీ గురుప్రసాద్ అనే వైద్యుడు సెప్టెంబర్ 7 నుంచి తన ట్విట్టర్ ఖాతాకు మెసేజ్ లు పెడుతూ, అసభ్యకరంగా తిడుతున్నాడని, చంపేస్తానని బెదిరిస్తున్నాడని తన ఏజెంట్ ప్రవీణ్ ఆంటోనీ ద్వారా చెన్నై సైబర్ క్రైం పోలీసులకు ఫిర్యాదు చేసింది.

ఈ ఫిర్యాదుకు అతను చేసిన ట్వీట్లను స్క్రీన్ షాట్ తీసి జతచేసింది. కాగా, గతంలో ముంబైలోని తన అపార్ట్ మెంట్ లో ఉండగా, ఓ దుండగుడు దాడి చేశాడని ఆమె పోలీసులను ఆశ్రయించిన సంగతి తెలిసిందే. హాట్ కామెంట్స్ తో బాలీవుడ్ లో ఇమేజ్ పెంచుకునేందుకు తీవ్రంగా ప్రయత్నిస్తున్న శ్రుతి హాసన్ 'బీ ద బిచ్' అనే షార్ట్ ఫిల్మ్ ను గత నెలలో విడుదల చేసిన సంగతి తెలిసిందే.

అయితే మాములుగా సెలబ్రిటీలకు ట్వీట్ల వేధింపులు వస్తున్నప్పటికీ, ఈ బోల్డ్ బ్యూటీకి ఇలా చావు బెదిరింపులు రావటంతో పోలీసులు కాస్త సీరియస్ గానే రియాక్ట్ అయ్యారు.