రాశిఖన్నాను ఎగాదిగా టెస్ట్ చేసిన డైరక్టర్?

Posted: 11/02/2016 12:48 PM IST

కెరీర్ మొదట్లో కేవలం గ్లామర్ మాత్రమే గుప్పించిన బబ్లీ బ్యూటీ రాశిఖన్నా ఇప్పుడు చాలా మారిపోయింది. ఎంటైర్ టైన్ మెంట్ క్యారెక్టర్లతో ఆకట్టుకోంటోంది. ఫ్లాపులుగా నిలిచిన శివం, హైపర్ లోనే కాదు, బెంగాల్ టైగర్, పటాస్, లో రాశి యాక్టింగ్ చూస్తే ఎవరైనా అది ఒప్పుకుంటారు. కానీ, ఓవరాల్ గా ఫ్లాపుల పర్సంటేజ్ ఎక్కువగా ఉండటంతో పెద్ద స్టార్లెవరూ ఆమెవైపే చూడటం మానేశారు.

దానికి తోడు ఇప్పటికే ఫ్లాప్ పర్సంటేజ్ ఎక్కువగా ఉండటం, చేస్తున్న ప్రాజెక్టులు డైలామాలో పడిపోవటంతో రాశి కెరీర్ డేంజర్ జోన్ లో పడిపోయింది. అయితే అనుకోని అదృష్టం ఇప్పుడు ఆమెను వరించింది. మెగా సినిమాలో నటించే బంఫరాఫర్ ఆమెను వరించింది. అయితే అందుకోసం రాశి పెద్ద టెస్ట్ నే ఎదుర్కోవాల్సి ఉంది. ప్రస్తుతం ధృవ పూర్తయిపోవటంతో సుకుమార్ సినిమాను తెరకెక్కించేందుకు రెడీ అయిపోతున్నారు. ఈ సినిమా కోసం టాలీవుడ్ యంగ్ బ్యూటీస్ లో ఒకరైన రాశి ఖన్నాను పరిశీలిస్తున్నాడట సుకుమార్.

చెర్రీ-సుక్కులు ఓ పక్కా పల్లెటూరి ప్రేమకథను ప్రేక్షకులను అందించబోతున్నారు. ఈ లవ్ స్టోరీలో గ్రామీణ ప్రాంత యువతిగా హీరోయిన్ పాత్ర చాలా ముఖ్యం. అచ్చమైన తెలుగింటి అమ్మాయి లుక్స్ కచ్చితంగా ఉండాలన్నది మెయిన్ కండిషన్. అందుకే రాశిని ఎగాదిగా పరీక్షలు చేస్తున్నాడంట. మరి లెక్కల మాష్టార్ లెక్కకి రాశి అందుతుందో లేదో.. అందితే మాత్రం రాశీ డ్రీమ్ తీరినట్లే.