నెక్ట్స్ ప్రాజెక్టులపై క్లారిటీ ఇచ్చిన సమంత

Posted: 09/17/2016 01:47 PM IST

పెళ్లి వార్తలకు పుల్ స్టాప్ పెడుతూ త్వరలోనే ముహుర్తం అనౌన్స్ చేసే అవకాశం ఉందని చెప్పేశాడు అక్కినేని నాగార్జున. దీంతో కాబోయే కోడలు సమంత ఎంచక్కా మామగారి ఇంటికి చక్కర్లు కొట్టి వస్తోంది. మొన్నే అత్త అమలతో కాసేపు టైంపాస్ చేసినట్లు ఫోటోలు బయటికి వచ్చాయి. దీంతో ఈ అతిత్వరలోనే సమంతకు బ్యాండ్ మోగబోతుందని, అందుకే సినిమాలు ఒప్పుకోవట్లేదని చెప్పుకుంటున్నారు. అయితే ఆ మధ్య శివకార్తికేయన్ తో ఓ సినిమాకు సైన్ చేసిందని అఫీషియల్ గానే అనౌన్స్ చేశారు ఆ చిత్ర నిర్మాతలు. దీంతో శామ్ ఈజ్ బ్యాక్ అని అంతా అనుకున్నారు.

కానీ, ఆ వార్తను కూడా తుస్సుమనిపించింది సమంత. తాను ఇంతవరకు ఏ కొత్త సినిమాకు సైన్ చేయలేదని ట్విట్టర్ లో తెలియజేసింది. అసలు పెళ్లి కారణంగానే సినిమాలు చేయట్లేదన్న వార్తలను పరోక్షంగా తోసిపుచ్చింది. 'దక్షిణాది సినీరంగంలో హీరోయిన్లుకు అర్థవంతమైన పాత్రలు దొరకటం ఎంత కష్టమో ఇప్పుడిప్పెడే అర్ధమవుతోంది. కేవలం మంచి పాత్రలు రాని కారణంగా ఇంత వరకు ఏ సినిమాను అంగకీరించలేదు. ఈ విషయం చెప్పటం నాకేంతో బాధ కలిగిస్తోంది.' అంటూ ట్వీట్ చేసింది.

అ..ఆ... తరహా పాత్రలు పడితేనే ఇకపై సినిమాలకు సంతకం చేస్తానని ఆ చిత్ర ప్రమోషన్ టైంలో చెప్పేసింది. నాలుగు నెలలుగా ఈ బ్యూటీ ఖాళీగా ఉండటంతో ఇక సినిమాలు చేయబోదని, జనతా గ్యారేజే తన లాస్ట్ సినిమా అని అంతా డిసైడ్ అయిపోయారు. అయితే జీవం ఉట్టిపడే పాత్రలతో వస్తే తాను రెడీ అంటూ ఇప్పుడు చెప్పేసింది. మరీ ఆ తరహా పాత్రలు ముందుంచి సమంతను ఒప్పించేంది ఎవరో మరి?

I haven't signed as many films as I d like too only and only because there are no good roles . As disheartening as it is to say .

— Samantha Ruth Prabhu (@Samanthaprabhu2) September 17, 2016