మహేష్ -మురగదాస్ వందకోట్లు దాటనుందా?

Posted: 09/10/2016 10:11 AM IST

Mahesh murugadoss movie budget more than 100 crores

సౌత్ లో ఇప్పుడు మోస్ట్ డిస్కసింగ్ చిత్రంగా మారిపోయింది మహేష్ అప్ కమింగ్ మూవీ. సినిమా అనౌన్స్ చేసినప్పటి నుంచే ఈ చిత్రంపై ఓ రేంజ్ లో అంచనాలు నెలకొనగా, షూటింగ్ నుంచి గోప్యత ప్రదర్శించడటంతో అవి ఇంకా రెట్టింపు అవుతున్నాయి. ఇక బై లింగువల్ గా తెరకెక్కుతున్న ఈ సినిమా బడ్జెట్ 100 కోట్లని ప్రచారం జరుగుతుండం విశేషం.

ఈ విషయమై మురగదాస్ ను ప్రశ్నిస్తే ఆయన సూటిగా సమాధానం ఇవ్వట్లేదు. "షూటింగ్ ఇప్పుడే కదా మొదలెట్టాం. అప్పుడే ఖర్చు ఎంత అవుతుందంటే ఎలా చెప్పగలం. చివరికొచ్చాక బడ్జెట్టు ఏమిటనేది తేలుతుంది. ఆ లెక్కలన్నీ ఆఖరులోనే తేలతాయి" అన్నాడు నవ్వుతూ. మామూలుగా ఎవరైనా ఒక బడ్జెట్టు వేసుకునే సినిమా మొదలెడతారు. దానికి కాస్త అటు ఇటుగా లెక్కతేలుతుంది. మరి, మురుగదాస్ మాటలను చూస్తుంటే మాత్రం అది మించిపోయేలాగానే ఉంది.

ఇక ఈ చిత్రం కోసం మహేష్ సరికొత్త లుక్ లో కనిపించబోతున్నాడని ఇది వరకే చెప్పుకున్నాం. మహేష్ ఓ ప్రత్యేకమైన నటుడు. ఏ విషయానైనా కేవలం వినటం ద్వారానే గుర్తుంచుకుంటాడు అని చెప్పుకొచ్చాడు. ఫిట్ బాడీతో ఆఫ్ షర్ట్స్ టక్ చేసుకున్న ఫోటోలు కొన్ని లీకయ్యాయి కూడా. ఈ చిత్రానికి అదనపు ఆకర్షణ ఏంటంటే... తమిళ్ లో కూడా మహేష్ సొంతంగా డబ్బింగ్ చెప్పబోతున్నాడంట.