దెయ్యం వీడియోను షేర్ చేసిన కమెడియన్

Posted: 08/22/2016 11:48 AM IST

Tamil actor comedian parotta soori shares creepy ghost video

దెయ్యాలు ఉన్నాయా? ఆ పీలింగే కొందరికి జడుపు జ్వరాలు తెప్పించిపెడుతుంది. ఓవైపు ఆత్మలు ఉన్నాయంటూ వచ్చే కొన్ని వీడియోలు విరివిగా వైరల్ అవుతుండగా, వాటిని చూసి వెన్నులో వణుకు పుట్టే వారు కొందరు ఉండగా, అదంతా జిమ్మిక్కులంటూ కొట్టిపడేసే వారు అదే స్థాయిలో ఉన్నారు. కానీ, ఓ సెలబ్రిటీ తనకు ఎదురయిన దెయ్యం అనుభవాన్ని వీడియో తీస్తే పెడితే ఎలా ఉంటుంది.

ప్రముఖ కోలీవుడ్ కమెడియన్ ‘పరోటా’ సూరి తాను దెయ్యాన్ని చూశానంటూ షేర్ చేసిన వీడియో నెట్ లో హాల్ చల్ చేస్తోంది. ఓ చిత్రం కోసం పళని నుంచి కొయంబత్తూర్ వెళ్తున్న సమయంలో అర్థరాత్రి 2 గంటల సమయంలో రోడ్డుపై ఎదురైన అనుభవాన్ని వీడియో తీసి మరీ ఉంచాడు.

ఎర్రగా నిప్పులు విరజిమ్ముతున్నట్టున్న ఓ ఆకృతి రోడ్డు మధ్య నిలబడినట్టు ఈ వీడియోలో కనిపిస్తోంది. సూరి కారు ఆ ఆకారానికి అతిదగ్గరగా వచ్చింది. లైట్లు ఆర్పేయాలని డ్రైవర్ కి సూచించగా, చీకట్లో ఆ ఆకారం కనిపించకుండా పోయింది. అయితే తిరిగి లైట్లు వేయగానే ఆ ఆరెంజ్ రూపం కారులో క్షణంపాటు కనిపించి మాయమైంది. భయంగొల్పే ఆ వీడియోను సూరి తన సోషల్ మీడియాలో పెట్టాడు. నాలుగు రోజుల క్రితమే ఆ వీడియోను అప్ లోడ్ చేయగా, మిలియన్ మందికి పైగానే వీక్షించారు.

కాగా, విశాల్ బెస్ట్ ఫ్రెండ్ అయిన సూరి అతని చిత్రాల్లోనే ఎక్కువగా కనిపిస్తుంటాడు. 'వెన్నిల కబాడి కుళు' (తెలుగులో భీమిలి కబడ్డీ జట్టుగా రీమేక్ ) తో కోలీవుడ్ కు పరిచయమైన సూరి, సుమారు 65పైగా చిత్రాల్లో నటించి టాప్ కమెడియన్ గా ఎదిగాడు. అయితే సరదాగా ఆటపట్టించేందుకు కావాలనే సూరి ఈ కల్పిత వీడియోను ఉంచాడని పలువురు అంటున్నారు.