కమల్ ఖాతాలోకి ఫ్రెంచ్ పురస్కారం

Posted: 08/22/2016 10:56 AM IST

Kamal haasan chosen for france s chevalier award

లోకనాయకుడు కమల్ హాసన్ కి మరో అరుదైన అవార్డు వచ్చి చేరింది. 61 ఏళ్ల ఈ లెజెండరీ నటుడికి తమ దేశ అత్యున్నత పురస్కారం ప్రకటించింది ఫ్రాన్స్ . కళలు, సాహిత్య రంగంలో విశేష సేవలందిస్తున్న వారికి ఆ దేశ సాంస్కృతిక శాఖ ‘చెవాలియర్ డి అందించే ‘ఎల్ ఆర్డర్ ఆర్ట్స్ ఎట్ లెటర్స్ (ద నైట్ ఆప్ ద ఆర్డ్ ఆఫ్ ఆర్ట్స్ అండ్ లెటర్స్)’ అవార్డును కమల్ కి అందజేయనున్నట్లు పేర్కొంది.

ఈ అవార్డుల్లో భాగంగా మూడో గ్రేడ్ కు చెందిన చెవాలియర్ (నైట్ యోధుడు) పురస్కారానికి కమల్ ఎంపికయ్యాడు. ఈ అవార్డుకు కమల్ ఎంపిక పట్ల భారతీయ సినీ పరిశ్రమ హర్షాతికేకం వ్యక్తం చేసింది. సినీ రంగానికి చెందిన ప్రముఖులే కాకుండా రాజకీయ రంగానికి చెందిన పలువురు ప్రముఖుల నుంచి కూడా కమల్ కు శుభాకాంక్షలు వెల్లువెత్తాయి. తనకు అందిన ఈ అవార్డును తన మార్గదర్శకులు, అభిమానులకు అంకితమిస్తున్నట్లు కమల్ ప్రకటించాడు.

ఇంతవరకు ఈ అవార్డు భారత్ తరపున అమితాబ్ బచ్చన్, నందితా దాస్, షారూఖ్ ఖాన్ లు అందుకోగా, కోలీవుడ్ నట దిగ్గజం శివాజీ గణేషన్ తర్వాత కమల్ ఈ అవార్డు అందుకోబోతున్న రెండో వ్యక్తి కావటం విశేషం. తన నటనతో దక్షిణ భారతాన్నే కాకుండా యావత్తు దేశాన్ని ఆకట్టుకున్న తమిళ నటుడు కమలహాసన్... ఈ అవార్డులతో యూనివర్సల్ స్టార్ అని మరోసారి నిరూపించుకున్నాడు. భారతీయ చలన చిత్రరంగంలో సుదీర్ఘ కాలంగా తనదైన నటనతో రాణిస్తున్న కమల్... తాజాగా ఈ ఫ్రెంచి పురస్కారం ఎంపిక కావటం పట్ల తెలుగు విశేష్ ఆయనకు కంగ్రాట్స్ చెబుతోంది.