సంపూబాబుకి ఇది స్పెషల్ ఇన్విటేషన్

Posted: 08/09/2016 12:29 PM IST

కొత్తగా ఎందరు స్టార్ లు వచ్చినా బర్నింగ్ స్టార్ పాపులారిటీకి ఎవరూ సరితూగలేకపోతున్నారు. హృదయకాలేయంతో ఈ అందగాడు సృష్టించిన రికార్డులు అలాంటివి. రాజమౌళి ట్వీట్ తో మొదలైన అతని గుర్తింపు దేవ విదేశాలు దాటి పోయిందనటంలో ఎలాంటి సందేహం అక్కర్లేదు. సోషల్ మీడియాలో ఎప్పుడూ యాక్టివ్ గా ఉంటే ఈ సెటైరిక్ బాబూ ప్రస్తుతం వేసిన ఓ ట్వీట్ తెలుగు ప్రేక్షకులను బాగా ఆకట్టుకుంది.

మరో నాలుగు రోజుల్లో పవిత్ర కృష్ణా నదికి పుష్కరాలు ప్రారంభం కానున్నాయి. నవ్యాంధ్రలో నిర్వహించబోతున్న తొలి పుష్కరాలు కావటంతో ప్రతిష్టాత్మకంగా నిర్వహించాలని భావిస్తున్న ప్రభుత్వం అందుకు తగ్గట్లుగానే ఏర్పాట్లు చేసింది. ఈ నేపథ్యంలో వీఐపీలకు సెలబ్రిటీలకు ఆహ్వానాలు పంపుతోంది ఏపీ ప్రభుత్వం. ఆ జాబితాలో మన బర్నింగ్ స్టార్ కూడా ఉన్నాడు. ఇంకేం ఊరుకుంటాడా?  

ఈ నెల 12 నుంచి ప్రారంభమయ్యే కృష్ణా పుష్కరాలు రావాల్సిందిగా ఓ ఆహ్వన పత్రిక మనోడికి పంపింది. అంతే ఫోటోను షేర్ చేస్తూ ట్విట్టర్ లో ఈ విషయాన్ని తెలియజేశాడు. ఈ వేడుకలకు ఆహ్వానించిన ఏపీ ప్రభుత్వానికి తన నమస్సులు అంటూ ఆ ట్వీట్ తో మరోసారి ఆకట్టుకున్నాడు. కాగా, ప్రస్తుతం సంపూ 'కొబ్బరిమట్ట'తో తెగ బిజీగా ఉన్నాడు.

Krishna Pushkaralaku Aahwaninchina Andhra Pradesh prabhuthvam vaariki naa namassulu... pic.twitter.com/tJq8aYBbyu

— Sampoornesh Babu (@sampoornesh) August 7, 2016