కమల్ కోసం కబాలి వాయిదా?

Posted: 07/20/2016 09:34 AM IST

Rajinikanth won t allow special screenings of kabali for kamal

సూపర్ స్టార్ రజనీకి లోకనాయకుడు కమల్ హసన్ ఇద్దరు దాదాపు ఒకేసారి కెరీర్ ను ప్రారంభించారు. ఆ టైంలో ఒకరి సినిమాల్లో ఒకరు నటించారు కూడా. అయితే స్టార్లు గా ఎదిగాక ఫ్యాన్స్ కొట్టుకుంటారన్న భయంతోనే ఇద్దరు కలిసి నటించడం మానేశారు. ఈ విషయాన్ని చాలాసార్లు బహిరంగంగా చెప్పారు కూడా.

మిగతా ఇండస్ట్రీలో మాదిరిగా కాకుండా టాప్ హీరోలైనప్పటికీ అన్ని కార్యక్రమాలకు కలిసే హాజరవుతుంటారు. ఈవెంట్లు, సేవా కార్యక్రమాలు, కోలీవుడ్ నిర్వహించే కల్చరర్ ప్రోగ్రాంలు ఇలా అన్నింట్లో ముందుండేది ఈ ఇద్దరే. వారిద్దరి మధ్య ఎంతో ఆత్మీయత, అనుబంధం వున్నాయి. ఒకరి అభిప్రాయాలను ఒకరు గౌరవిస్తుంటారు, ఒకరి సూచనలను మరొకరు పాటిస్తుంటారు.

ఇదిలా ఉండగా 'కబాలి' చిత్రం ఈ నెల 22న ప్రపంచవ్యాప్తంగా అత్యధిక థియేటర్లలో విడుదల కానుంది. ఈ నేపథ్యంలో ఈ సినిమా విడుదలకి ముందే తన స్నేహితులకు .. సన్నిహితులకు స్పెషల్ షో వేసి చూపించాలని రజనీ అనుకున్నారు. కానీ ఆ తరువాత ఆయన ఆ ఆలోచనని విరమించుకున్నారు. ప్రస్తుతం కాలుకు పాక్చర్ అయి కమల్ ఆసుపత్రిలో చికిత్స పొందుతున్న ఉన్న సంగతి తెలిసిందే. కమల్ రాకుండా .. ఆయన లేకుండా 'కబాలి' స్పెషల్ షో చూడటం ఇష్టం లేకనే రజనీ రద్దు చేయించాడని సమాచారం.