స్టైల్ కొడుతున్న మెగా హీరో..!

Posted: 07/01/2016 11:38 AM IST

రామ్‌చ‌ర‌ణ్ క‌థానాయ‌కుడిగా సురేంద‌ర్ రెడ్డి ద‌ర్శ‌క‌త్వంలో అల్లు అర‌వింద్ నిర్మిస్తున్న సినిమా `ధృవ‌`. ఈ సినిమా శ‌ర‌వేగంగా తెర‌కెక్కుతున్న సంగ‌తి తెలిసిందే. చ‌ర‌ణ్ ఈ చిత్రంలో ఓ సిన్సియ‌ర్ పోలీస్ అధికారిగా న‌టిస్తున్నారు. కాప్ లుక్‌కి అవ‌స‌ర‌మైన విధంగా రూపు రేఖ‌లు మార్చుకుని చెర్రీ వెరీ స్మార్ట్‌గా క‌నిపిస్తున్నాడు.  ఇటీవలే కాశ్మీర్ లో భారీ షెడ్యూల్ పూర్తి చేసుకువచ్చింది చిత్రయూనిట్.

ఈ షూటింగ్ పూర్తి చేసుకుని హైదరాబాద్ వచ్చింది చిత్రయూనిట్. ఇప్పుడు ఈ ఫోటోలు సోషల్ సైట్ లో హల్ చల్ చేస్తున్నాయి. తర్వాత రామ్ చరణ్ , నవదీప్ ల మద్య వచ్చే సన్నివేశాలను చిత్రీకరిస్తోంది. ఈ సినిమా తమిళంలో విడుదలై సెన్సేషనల్ హిట్ సాధించిన తనీ ఒరువన్ సినిమాకి రీమేక్. తమిళంలో విలన్ గా నటించి మెప్పించిన అరవింద్ స్వామి తెలుగులో కూడ విలన్ గా నటిస్తున్నాడు. చరణ్ తో పాటు హీరో నవదీప్ ఈ సినిమాలో కాప్ గా ఒక కీలకమైన పాత్రలో కనిపించనున్నాడు.

సినిమా ఫస్ట్ లుక్ విడుదల చేసినప్పటినుంచి మెగా అభిమానులు ఈ సినిమా ఎప్పుడెప్పుడు వస్తుందా అని ఆసక్తిగా ఎదురుచూస్తున్నారు. రకుల్ ప్రీత్ సింగ్ హీరోయిన్ గా నటిస్తున్న ఈ సినిమాలో తెలుగు ప్రేక్షకుల‌కు కోరుకునే అన్ని అంశాలు ఉంటాయి. చ‌క్కని స్టోరీ, గ్రిప్పింగ్‌ స్ర్కీన్‌ప్లేతో  తెర‌కెక్కుతోందని చిత్రయూనిట్ చెబుతోంది.  

- మూర్తి