సిద్ధంగా చుట్టాలబ్బాయి

Posted: 06/25/2016 12:47 PM IST

'లవ్‌లీ' రాక్‌స్టార్‌ ఆది హీరోగా శ్రీ ఐశ్వర్యలక్ష్మీ మూవీస్‌, ఎస్‌.ఆర్‌.టి. మూవీ హౌస్‌ పతాకాలపై వీరభద్రమ్‌ దర్శకత్వంలో వెంకట్‌ తలారి, రాము తాళ్ళూరి నిర్మిస్తున్న ఫ్యామిలీ ఎంటర్‌టైనర్‌ 'చుట్టాలబ్బాయి'. ఈ చిత్రానికి సంబంధించిన షూటింగ్‌ ఒక పాట మినహా పూర్తయింది. ప్రస్తుతం పోస్ట్‌ ప్రొడక్షన్‌లో భాగంగా రీరికార్డింగ్‌ జరుగుతోంది. ఈ సందర్భంగా హీరో ఆది మాట్లాడుతూ - ''చాలా ఎక్స్‌లెంట్‌ సబ్జెక్ట్‌ ఇది. వీరభద్రమ్‌ ప్రతి సీన్‌ చాలా బాగా తీస్తున్నారు. అందరికీ నచ్చే మంచి ఫ్యామిలీ ఎంటర్‌టైనర్‌గా ఈ చిత్రం రూపొందుతోంది'' అన్నారు.

నిర్మాతలు మాట్లాడుతూ - ''ఇటీవల చిత్రీకరించిన క్లైమాక్స్‌తో ఒక పాట మినహా షూటింగ్‌ పూర్తయింది. ప్రస్తుతం రీరికార్డింగ్‌ జరుగుతోంది. ఈ చిత్రానికి థమన్‌ అద్భుతమైన సంగీతాన్ని అందించారు. త్వరలోనే ఆడియో ఫంక్షన్‌ని చాలా గ్రాండ్‌గా ఆడియోను రిలీజ్‌ చెయ్యడానికి ప్లాన్‌ చేస్తున్నాం'' అన్నారు.  

- మూర్తి