మనోడు అక్కడ కుమ్మేస్తున్నాడు...!

Posted: 06/20/2016 03:08 PM IST

టాలీవుడ్ లో స్టార్ హీరోలకు పోటీగా వస్తున్నాడు చిన్నహీరో నాని. భలే భలే మగాడివోయ్ తో ఓవర్సీస్ లో రికార్డ్ కలెక్షన్లు వసూలు చేసిన నాని ఆ తర్వాత కృష్ణగాడి వీరప్రేమగాథ సినిమా కాస్తంత నిరాశపర్చింది. అయినా కానీ ఓవర్సీస్ లో కుర్రాడికి ఏమాత్రం ఇమేజ్ తగ్గలేదు.

మోహన కృష్ణ ఇంద్రగంటి డైరక్షన్ లో తెరకెక్కిన నాని జెంటిల్ మన్ సినిమా ఓవర్సీస్ లో మళ్లీ దూసుకుపోతోంది. తొలివారంలోనే మంచి కలెక్షన్లు రాబట్టింది. పాజిటివ్ టాక్ అందుకోవడంతో పాటు ఇప్పట్లో వచ్చే సినిమాలు కూడా ఏమీ లేకపోవడంతో ఓవర్సీస్ లో మళ్లీ నాని రికార్డ్ కలెక్షన్లు వసూలు చేయడం ఖాయమని సినీ ఎనలిస్ట్ లు అంటున్నారు. చిన్న హీరోగా కెరియర్ ని స్టార్ట్ చేసిన నాని ఇప్పుడు ఓవర్సీస్ ని కుమ్మేస్తున్నాడని అంటున్నారు. గతంలో ఇలా తెలుగు ఇండస్ట్రీ నుంచి సోలోగా సత్తా చాటిన వారు లేరని కూడ చెప్తున్నారు.

సురభి, నివితా థామస్ హీరోయిన్లుగా నటించిన ఈ సినిమా తెలుగు రాష్ట్రాల్లోనూ హిట్ టాక్ అందుకొని సక్సెస్ ఫుల్ గా రన్ అవుతోంది.  

- మూర్తి