పవన్ కళ్యాణ్ మెచ్చిన ఆ క్యారెక్టర్ ఏంటంటే..!

Posted: 06/09/2016 02:47 PM IST

Pawan kalyan watches trivikram a aa movie

నితిన్, సమంత, అనుపమ పరమేశ్వరన్ హీరోహీరోయిన్లుగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో హారిక అండ్ హాసని క్రియేషన్స్ బ్యానర్లో రూపొందిన తాజా చిత్రం ‘అఆ’. మిక్కీజేమేయర్ సంగీతం అందించిన పాటలకు మంచి రెస్పాన్స్ వచ్చింది. ఈనెల 2న విడుదలైన అఆ.. పాజిటివ్ టాక్ తో కలెక్షన్ల మోత మోగిస్తుంది.

తాజా సమాచారం ప్రకారం ఈ సినిమాను పవర్ స్టార్ పవన్ కళ్యాణ్ వీక్షించినట్లుగా తెలిసింది. త్రివిక్రమ్-పవన్ ల మధ్య మంచి స్నేహబంధం వున్న విషయం తెలిసిందే. అలాగే ఈ సినిమా పాజిటివ్ టాక్ సొంతం చేసుకోవడంతో పవన్ ఇటీవలే ఈ సినిమాను చూసాడని తెలిసింది. ఈ సినిమా నటుడు రావు రమేష్ పాత్ర పవన్ కు బాగా నచ్చిందని, రావు రమేష్ చెప్పిన డైలాగ్స్ పవన్ కు బాగా నచ్చాయని తెలిసింది.

సినిమా చూసిన అనంతరం రావు రమేష్ మరియు త్రివిక్రమ్ లకు పవన్ ప్రత్యేక అభినందనలు తెలియజేసినట్లుగా సమాచారం. ఇక లవ్, ఫ్యామిలీ ఎంటర్ టైనర్ తెరకెక్కిన ఈ సినిమా ప్రస్తుతం అన్నిచోట్ల మంచి టాక్ తో కొనసాగుతోంది.