చైనా లో బాహుబలి హవా...

Posted: 05/31/2016 12:37 PM IST

Bahubali crew just entered to interact with the chinese media for baahubali movie promotions

ప్రపంచవ్యాప్తంగా తెలుగు సినిమాకి గుర్తింపు తెచ్చిన సినిమా 'బాహుబలి - ద బిగినింగ్'. ఈ సినిమా ఇటీవలే కేన్స్ సినిమా ఫెస్టివల్ లో నామినేట్ అయిన సంగతి తెలిసిందే. ఉత్తమ చిత్రంగా ఎన్నో అవార్డులను సొంతం చేసుకున్న ఈ సినిమా ప్రస్తుతం 'బాహుబలి - ద కన్ క్లూజన్' పార్ట్ 2 గా తెరకెక్కుతోంది. ఈ నేపథ్యంలో సినిమా యూనిట్ షూటింగ్ లో తెగ బిజీగా ఉన్నారు. అయితే లేటెస్ట్ గా అందుతున్న సమాచారం ప్రకారం ఈ సినిమా ప్రమోషన్స్ లో భాగంగా చైనా మీడీయా ముందుకు హాజరైంది చిత్రయూనిట్ మొత్తం. అందుకోసం ప్రభాస్, రానా, తమన్నాలు ఈ ప్రమోషన్స్ లో పాల్గొన్నారు. రమా రాజమౌళి, వల్లీ కీరవాణి, సినిమా దర్శకుడు యస్ యస్ రాజమౌళి ఈ సినిమా ప్రమోషన్ లో పాల్గొన్నట్లుగా సమాచారం తెలుస్తోంది.

దీనికోసం చిత్రయూనిట్ మొత్తం ఒక్కచోటకు చేరి సందడి చేశారు. 'బాహుబలి ద బిగినింగ్' పార్ట్ 1 సినిమాలో కట్టప్ప బాహుబలిని ఎందుకు చంపాడు ? అన్న సస్పెన్స్ ని చివర్లో చూపించిన దర్శకుడు రాజమౌళి యావత్ ప్రపంచాన్ని అదే సందిగ్ధంలో ఉంచేశాడు. ఇప్పుడు 'బాహుబలి ద కన్ క్లూజన్' పార్ట్ 2 లో దాన్ని రివీల్ చేస్తూ , సినిమాకి మరో సీక్వెల్ కూడ ఉంటుందని చెప్తున్నాడు.

గతంలో జరిగిన అనేక ప్రెస్ మీట్స్ లో ఇదే విషయాన్ని వివరించాడు రాజమౌళి. ఇప్పుడు ఈ సినిమా కోసం ప్రపంచ మీడియా మొత్తం ఎంతో ఆసక్తిగా ఎదురుచూస్తోంది.