పెళ్లి చేసుకున్న శింబు-నయనతార

Posted: 05/25/2016 08:22 AM IST

పలానా హీరోతో లవ్ స్టోరీ నడుపుతున్న హీరోయిన్.. పలానా హీరోయిన్ లవ్ స్టోరీ అలా ఉంది అంటూ రోజుకు కొన్ని వందల గాసిప్స్ సినిమా ఇండస్ట్రీల చుట్టూ తిరుగుతుంటాయి. కానీ వాటన్నింటిలోకి సౌత్ ఇండియన్ సినిమా ఇండస్ట్రీలో ఓ జంట మోస్ట్ పాపులర్. పెళ్లి దాకా వెళ్లిన ఆ జంట అనుకోని కారణాల వల్ల విడిపోయింది. ఇకపై కలిసి నటించరనుకున్న వివాదాస్పద ప్రేమ జంట శింబు – నయనతారలను, రియల్‌ లైఫ్‌లో విడిపోయిన ఈ ప్రేమజంటను రీల్‌ లైఫ్‌లో కలపి ఒక్కటి చేసి రొమాంటిక్‌ చిత్రాన్ని తెరకెక్కించి సంచలనం సృష్టించాడు దర్శకుడు పాండిరాజ్‌. బయట కనబడితే ఒకరినొకరు పలకరించుకోవడానికి కూడా ఇష్టపడని ఈ జంటతో ,ఏకంగా రొమాన్స్ చేయించేశాడు డైరెక్టర్.

రెండు సంవత్సరాలుగా వాయిదా పడుతూ వస్తున్న ‘ఇదు నమ్మ ఆళు’ శింబు సినీ ఆర్ట్స్‌ పతాకంపై శింబు తండ్రి టి.రాజేంద్రన్ నిర్మించిన ఈ చిత్రం ,చివరకు పూర్తి చేసుకొని ,ఈ శుక్రవారం విడుదలకు సిద్దంగా ఉంది. ఆండ్రియా రెండో హీరోయిన్‌గా, శింబు సోదరుడు కురలరసన్ సంగీత దర్శకుడిగా పరిచయమవుతున్నాడు. అర్బన్ రొమాంటిక్‌ స్టోరీ అయిన ఈ చిత్రంలో , శింబు, నయనతారల మధ్య ప్రేమ సన్నివేశాలు, కథలో భాగంగా వీళ్లిద్దరిపై చిత్రీకరించిన పెళ్లి దృశ్యాలు చాలా ఆశక్తి కరంగా ఉంటాయి. ఈ సినిమాకి అదనపు ఆకర్షణ ఏమిటంటే , శింబు – ఆదాశర్మలపై చిత్రీకరించిన ‘మామా వెయిటింగ్‌’ ఐటమ్‌సాంగ్‌ చాల బాగా కుదిరిండంట .అన్నిటి కంటే ముఖ్యంగా 90 సెకన్లపాటు ఒంటి కాలుపై శింబు చేసిన డ్యాన్స్ మూమెంట్స్‌ హైలెట్ అని అంటున్నారు.