దుమ్మురేపుతున్న ‘గౌతమీపుత్ర శాతకర్ణీ’ టైటిల్ సాంగ్

Posted: 05/09/2016 12:47 PM IST

నందమూరి నటసింహం బాలకృష్ణ తన 100వ సినిమా టైటిల్, ఫస్ట్ లుక్ ను విడుదల చేసిన క్షణం నుంచి ఈ సినిమాపై భారీ అంచనాలు నెలకొన్నాయి. బాలయ్య తన 100వ చిత్రం చారిత్రాత్మక కథాంశం ‘గౌతమీపుత్ర శాతకర్ణీ’తో రానున్నారు. క్రిష్ దర్శకత్వంలో రూపొందనున్న ఈ సినిమాకు సంబంధించిన రెగ్యులర్ షూటింగ్ ఈరోజు నుంచి మొరాకోలో ప్రారంభం కానున్నాయి.

అయితే ఇప్పటికే ఈ సినిమా ఫస్ట్ లుక్ టీజర్ అంటూ బాలయ్య ఫ్యాన్స్ ఓ ‘ఫ్యాన్ మేడ్’ టీజర్ ను సిద్ధం చేసి, విడుదల చేసారు. ఈ టీజర్ కు మంచి రెస్పాన్స్ వచ్చినప్పటికీ.. పలు బాలీవుడ్ సినిమాల నుంచి సీన్లను ఎడిట్ చేసినట్లుగా కనిపిస్తోంది. కానీ తాజాగా బాలయ్య ఫ్యాన్స్ ఈ ‘గౌతమీపుత్ర శాతకర్ణీ’ సినిమా కోసం ఓ టైటిల్ సాంగ్ ను రూపొందించారు.

రవిశంకర్ సంగీతం అందించిన సిరాశ్రీ సాహిత్యాన్ని అందించారు. రోహిత్ అద్భుతంగా ఆలపించారు. ఈ ఫ్యాన్ మేడ్ టైటిల్ సాంగ్ ప్రస్తుతం సోషల్ మీడియాలో తెగ హల్చల్ చేస్తోంది. నిజంగా సినిమాలో ఈ పాట వుందనిపించే విధంగా వుంది. చాలా ఎమోషనల్ అండ్ పవర్ఫుల్ గా ఈ పాటను రూపొందించారు. గౌతమీపుత్ర శాతకర్ణీ ధీరత్వం, వ్యక్తిత్వంను తెలియజేసే విధంగా వుంది. ఈ పాటకు బాలయ్య ఫ్యాన్స్ కూడా సంతోషం వ్యక్తం చేస్తున్నారు.

‘గౌతమీపుత్ర శాతకర్ణీ’ ఫస్ట్ లుక్ టీజర్, పాటలు విడుదలయ్యే వరకు బాలయ్య ఫ్యాన్స్ ఇలాగే ఈ సినిమా గురించి ఏదో ఒక ‘ఫ్యాన్ మేడ్’ పాటలు, టీజర్లు, పోస్టర్లను డిజైన్ చేస్తూ విడుదల చేస్తూనే వుండేలా కనిపిస్తోంది. ఇక ఈ సినిమాను ఫ‌స్ట్ ఫ్రేమ్ ఎంట‌ర్ టైన్మెంట్స్ బ్యాన‌ర్ పై బిబో శ్రీనివాస‌రావు స‌మ‌ర్పణ‌లో వై.రాజీవ్ రెడ్డి, జాగ‌ర్లమూడి సాయిబాబు సంయుక్తంగా భారీ బడ్జెట్ తో నిర్మిస్తున్నారు. త్వరలోనే ప్రేక్షకుల ముందుకు తీసుకురానున్నారు.