‘బాబు బంగారం’ ఫస్ట్ లుక్ అదిరింది

Posted: 04/08/2016 11:58 AM IST

‘దృశ్యం’, ‘గోపాల గోపాల’ చిత్రాల తర్వాత విక్టరీ వెంకటేష్ హీరోగా నటిస్తున్న తాజా చిత్రం ‘బాబు బంగారం’. ప్రముఖ యూత్ ఫుల్ చిత్రాల దర్శకుడు మారుతి దర్శకత్వంలో రూపొందుతున్న ఈ చిత్రాన్ని ప్రముఖ నిర్మాత ఎస్‌.రాధాకృష్ణ‌(చిన‌బాబు) స‌మ‌ర్పణ‌లో సితార ఎంట‌ర్టైన్‌మెంట్ బ్యాన‌ర్ పై సూర్యదేవ‌ర నాగ వంశీ, పిడివి ప్రసాద్ సంయుక్తంగా నిర్మిస్తున్నారు.

తాజాగా ఉగాది పండగ సంధర్భంగా ఈ చిత్ర ఫస్ట్ లుక్ పోస్టర్ ను విడుదల చేసారు. ఇందులో వెంకటేష్ లుక్ చాలా బాగుంది. యంగ్ లుక్ తో ఆకట్టుకుంటున్నాడు. ఈ సినిమా వెంకటేష్ సరసన మరోసారి నయనతార హీరోయిన్ గా నటిస్తుంది. ఇప్పటికే వీరిద్దరి కాంబినేషన్లో ‘లక్ష్మీ’, ‘తులసి’ వంటి బ్లాక్ బస్టర్ హిట్ చిత్రాలొచ్చాయి.

ఈ చిత్రానికి జిబ్రాన్ సంగీతం అందిస్తున్నాడు. కమర్షియల్ ఫ్యామిలీ, యాక్షన్, కామెడీ ఎంటర్ టైనర్ గా రూపొందుతోంది. ఈ చిత్రాన్ని వేసవి సెలవుల కానుకగా జులై నెలలో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.

బ్రహ్మానందం, బ్రహ్మాజీ, వెన్నెల కిషోర్, పృధ్వి, మురళీశర్మ, దేవ్ గిల్, జయప్రకాష్ తదితరులు ఇతర ముఖ్యపాత్రలు పోషిస్తున్న ఈ చిత్రానికి కూర్పు: SB.ఉద్దవ్, కళ: రమణ వంక, చాయాగ్రహణం: రిచర్డ్ ప్రసాద్, సంగీతం: జిబ్రాన్, సమర్పణ: ఎస్.రాధాకృష్ణ, నిర్మాత: సూర్యదేవర నాగవంశీ, పిడివి ప్రసాద్, రచన-దర్శకత్వం: మారుతి.

- Sandy