అంచనాలు పెంచేస్తున్న ‘బ్రహ్మోత్సవం’ పోస్టర్

Posted: 04/08/2016 10:23 AM IST

‘శ్రీమంతుడు’ వంటి హిట్ తర్వాత టాలీవుడ్ సూపర్ స్టార్ మహేష్ బాబు హీరోగా నటిస్తున్న తాజా చిత్రం ‘బ్రహ్మోత్సవం’. ‘సీతమ్మ వాకిట్లో సిరిమల్లె చెట్టు’ తర్వాత దర్శకుడు శ్రీకాంత్ అడ్డాల-మహేష్ బాబుల కాంబినేషన్లో వస్తున్న ఈ చిత్రంపై భారీ అంచనాలే నెలకొన్నాయి. ఇటీవలే షూటింగ్ పూర్తిచేసుకుంది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి.

ఇటీవలే విడుదలైన ఫస్ట్ లుక్ టీజర్లకు మంచి రెస్పాన్స్ వచ్చింది. తాజాగా ఉగాది పండగ సంధర్భంగా మరో పోస్టర్ ను విడుదల చేసారు. ఈ పోస్టర్ చూస్తుంటే ఈ సినిమాలో కుటుంబ సంబంధాలు, బంధాలు ఎక్కువ వుండబోతున్నాయని అనిపిస్తోంది. ఇక ఈ చిత్ర ఆడియోను ఏప్రిల్ 24న తిరుపతిలో విడుదల చేయడానికి చిత్ర యూనిట్ నిర్ణయించినట్లుగా తెలుస్తోంది.

భారీ బడ్జెట్ తో పివిపి బ్యానర్ పై ప్రసాద్.పోట్లూరి నిర్మిస్తున్నారు. పూర్తిస్థాయి ఫ్యామిలీ ఎంటర్ టైనర్ గా రూపొందుతున్న ఈ చిత్రంలో మహేష్ సరసన సమంత, కాజల్, ప్రణీత హీరోయిన్లుగా నటిస్తున్నారు. త్వరలోనే ప్రపంచ వ్యాప్తంగా, గ్రాండ్ గా విడుదల చేయడానికి సన్నాహాలు చేస్తున్నారు.

- Sandy