ఆకాశానంటుతున్న సర్దార్ బెన్ఫిట్ షో టికెట్ల ధరలు

Posted: 04/07/2016 03:56 PM IST

Sardaar gabbar singh benfit show tickets rates

పవర్ పవన్ కళ్యాణ్ సినిమా విడుదల మొదటి రోజు, మొదటి ఆటకు చూస్తే ఆ కిక్కే వేరబ్బా... అలాంటి కిక్కు కోసం పవర్ స్టార్ ఫ్యాన్స్ తెగ ఆరాటపడిపోతున్నారు. పవన్ కళ్యాణ్ నటించిన ‘సర్దార్ గబ్బర్ సింగ్’ చిత్రం ఏప్రిల్ 8న గ్రాండ్ గా విడుదల కానుంది. విదేశాల్లో ఏప్రిల్ 7న విడుదల కానుంది. ఇక స్టార్ హీరోల సినిమాలకు బెన్ఫిట్ షోల సంగతి ప్రత్యేకంగా చెప్పనవసరం లేదు.

కానీ పవర్ స్టార్ సినిమాకు రెండు తెలుగు రాష్ట్రాలైన ఆంధ్రప్రదేశ్, తెలంగాణ రాష్ట్రాలలో అధిక సంఖ్యలో బెన్ఫిట్ షోలను ఏర్పాటు చేసారు. అభిమానులు ఈ బెన్ఫిట్ షో టికెట్ల కోసం తెగ ప్రయత్నాలు చేస్తున్నారు. ఈ టికెట్ ఒక్కొక్కటి 2వేల రూపాయల నుంచి రేటు పలుకుతోంది. ఈ టికెట్లను సొంతం చేసుకోవడానికి అభిమానులు ఎంత ఖర్చు అయినా పెట్టడానికి సిద్ధమవుతున్నారు.

ఇప్పటికే ‘సర్దార్ గబ్బర్ సింగ్’ సినిమా ప్రదర్శించబడే థియేటర్లలో టికెట్ల కొరత ఏర్పడింది. మాములు జనాలు కొనేంత రేటుకు టికెట్లు దొరకడం లేదు. థియేటర యాజమాన్యం టికెట్లను బ్లాక్ లో అమ్మేసుకొని సంబరపడిపోతున్నారు. అయినా కూడా అభిమానులు బ్లాక్ లోనైనా టికెట్ ను సొంతం చేసుకోవాలని ప్రయత్నిస్తున్నారు. కానీ ఒక్కమాట... బెన్ఫిట్ షోలో ‘సర్దార్ గబ్బర్ సింగ్’ టాక్ పాజిటివ్ గా వస్తే.... ఈ సినిమా కలెక్షన్ల రికార్డులను ఎవరూ ఆపలేరనేది సినీవర్గాల అభిప్రాయం.

- Sandy