సరైనోడు బ్లాక్ బస్టర్ ఫుల్ సాంగ్.. ఏప్రిల్ 1న ఆడియో

Posted: 03/29/2016 11:00 AM IST

తెలుగు, మళయాళం, తమిళ ఇండస్ట్రీల్లో పెద్దగా పరిచయం అక్కర్లేని.. స్టార్ హీరో. తాజాగా ఎనర్జిటిక్ దర్శకుడు బోయపాటి శ్రీను దర్శకత్వంలో సరైనోడుగా మన ముందుకు రాబోతున్నారు. అల్లు అర్జున్ కు మాస్ ఇమేజ్ ను అందించేలా ఈ సినిమా రూపొందుతోంది. కాగా ఈ సినిమాలోని ఐటం సాంగ్ బ్లాక్ బస్టర్ టీజర్ ను రెండు రోజలు క్రితం అల్లు అర్జున్ తన సోషల్ మీడియా అకౌంట్ల ద్వారా విడుదల చేశారు. టీజర్ తోనే ఆకట్టుకున్న ఈ పాట.. లిరిక్స్  తో కూడిన ఫుల్ పాట మార్కెట్ లోకి వచ్చేసింది. లహరి మ్యూజిక్ ద్వారా ఈ పాట విడుదలైంది.

బ్లాక్ బాస్టర్ బ్లాకు బాస్టరే.. నే చెయ్యి వేస్తే నీ లైఫే బ్లాక్ బస్టరే అంటూ సాగే ఈ పాటలో అంజలి చిలకలూరి చింతామణిగా అదిరిపొయే డ్యాన్స్ చేసిందట. ఇక అల్లు అర్జున్ డ్యాన్స్ గురించి ప్రత్యేకంగా చెప్పక్కర్లేదు. ఎనర్జిటిక్ లెవల్స్ ను పెంచుతూ సాగిన ఈ పాట మాస్ లోకి బాగా దూసుకెళుతోంది. కాగా ఏప్రిల్ ఒకటిని సరైనోడు పాటలను లహరి మ్యూజిక్ ద్వారా మార్కెట్ లోకి విడుదలచెయ్యనున్నారు. తమన్ మ్యూజిక్ అందించిన ఈ సినిమా మొదటి పాట బ్లాక్ బస్టర్ హిట్ టాక్ తెచ్చుకుంది. ఇక ఈ సినిమాలోని మిగిలిన పాట కోసం అభిమానుల ఎదురుచూస్తున్నారు. ఇక ఈ వేసవిలోనే అల్లు అర్జున్ సరైనోడుగా మన ముందుకు రాబోతున్నాడు.