మార్చి 26న ‘ఈడోరకం.. ఆడోరకం’ పాటలు

Posted: 03/25/2016 12:01 PM IST

మంచు విష్ణు, రాజ్ తరుణ్ హీరోలుగా రూపొందుతున్న తాజా మల్టీస్టారర్ చిత్రం ‘ఈడోరకం.. ఆడోరకం’. ఇప్పటికే విడుదలైన ఫోటోలు, పోస్టర్లకు మంచి రెస్పాన్స్ వచ్చింది. ప్రముఖ కామెడీ చిత్రాల దర్శకుడు జి. నాగేశ్వరరెడ్డి దర్శకత్వంలో రూపొందుతున్న ఈ చిత్రాన్ని ఎకె. ఎంటర్ టైన్మెంట్స్ బ్యానర్ పై రాంబ్రహ్మం సుంకర నిర్మిస్తున్నారు.

విష్ణు సరసన ‘జాదుగాడు’ ఫేం సోనారిక, రాజ్ తరుణ్ సరసన ‘కుమారి 21 ఎఫ్’ ఫేం హెబ్బా పటేల్ హీరోయిన్లుగా నటిస్తున్నారు. ప్రముఖ నటుడు రాజేంద్రప్రసాద్ కీలక పాత్రలో నటిస్తున్నారు. సాయికార్తీక్ సంగీతం అందిస్తున్న ఈ చిత్ర ఆడియోను ఈనెల 26న గ్రాండ్ గా విడుదల చేయనున్నారు. అలాగే ఈ చిత్రాన్ని ఏప్రిల్ నెలలో విడుదల చేయడానికి సన్నాహాలు చేస్తున్నారు. త్వరలోనే విడుదల తేదిని ప్రకటించనున్నారు.