కేకపుట్టిస్తున్న పవర్ స్టార్ ‘సర్దార్’ టీజర్

Posted: 03/17/2016 11:23 AM IST

పవర్ స్టార్ పవన్ కళ్యాన్ అభిమానులు ఎప్పుడెప్పుడా అని ఎదురుచూస్తున్న తరుణం వచ్చేసింది. ‘గబ్బర్ సింగ్’, ‘అత్తారింటికి దారేది’, ‘గోపాల గోపాల’ వంటి వరుస బ్లాక్ బస్టర్ హిట్ చిత్రాల తర్వాత పవర్ స్టార్ పవన్ కళ్యాణ్ నటిస్తున్న తాజా చిత్రం ‘సర్దార్ గబ్బర్ సింగ్’. ఈ సినిమాకు సంబంధించిన ఏ విషయమైనా ప్రస్తుతం హాట్ టాపిక్ గా మారుతున్నాయి.

ఈ సినిమాకు సంబంధించిన ఫస్ట్ లుక్ పోస్టర్ నుంచి ఇటీవలే విడుదలైన మేకింగ్ వీడియో, టీజర్ల వరకు కూడా కొత్త రికార్డులను క్రియేట్ చేసాయి. ఇటీవలే విడుదలైన మేకింగ్ వీడియో కొత్త రికార్డులను క్రియేట్ చేసింది. ఇదిలా వుంటే సౌత్ ఇండియన్ రాక్ స్టార్ దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈనెల 20న గ్రాండ్ గా విడుదల చేయనున్న విషయం తెలిసిందే.

ఆడియో విడుదల తేది దగ్గరపడుతుండటంతో సినిమా ప్రమోషన్ కార్యక్రమాలను కూడా ప్రారంభించేసారు. తాజాగా ‘సర్దార్ గబ్బర్ సింగ్’ సినిమాలోని అఫీషియల్ టీజర్ ను విడుదల చేసారు. గబ్బర్ సింగ్ ఈజ్ బ్యాక్ విత్ ‘సర్దార్’ అంటూ వచ్చే బ్యాగ్రౌండ్ మ్యూజిక్ బాగుంది. అలాగే ఇందులో పవన్ కళ్యాణ్ ను చూస్తుంటే పవర్ స్టార్ మళ్లీ రచ్చ చేయడం ఖాయమనిపిస్తోంది.

హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రానికి ‘పవర్’ ఫేం బాబీ దర్శకత్వం వహిస్తున్నాడు. ఈ చిత్రాన్ని నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై శరత్ మరార్, సునీల్ లుల్లాలు సంయుక్తంగా నిర్మిస్తున్నారు. ఇందులో పవన్ సరసన కాజల్ హీరోయిన్ గా నటిస్తుంది. రాయ్ లక్ష్మీ, సంజనలు ముఖ్య పాత్రలలో నటిస్తున్నారు. భారీ అంచనాలతో రూపొందుతున్న ఈ చిత్రాన్ని ఏప్రిల్ 8న ప్రపంచ వ్యాప్తంగా తెలుగు, హిందీ భాషలలో విడుదల చేయనున్నారు.