‘సర్దార్’తో బాలీవుడ్ లో ఎంట్రీకి సిద్ధమైన పవర్ స్టార్

Posted: 03/14/2016 03:12 PM IST

Sardaar gabbarsingh hindi version poster

పవర్ స్టార్ పవన్ కళ్యాణ్ కు దేశవ్యాప్తంగా భారీ క్రేజ్ వున్న విషయం తెలిసిందే. ఇప్పటివరకు పవన్ కళ్యాణ్ నటించిన పలు సినిమాలు హిందీ, తమిళం భాషలలోకి డబ్బింగ్ అయ్యాయి. కానీ ఈసారి నేరుగా ఎటాక్ చేయడానికి సిద్ధమయ్యాడు. పవన్ కళ్యాణ్ నటిస్తున్న ‘సర్దార్ గబ్బర్ సింగ్’ చిత్రం ఏప్రిల్ 8వ తేదిన ప్రపంచ వ్యాప్తంగా, గ్రాండ్ గా విడుదల కానున్న విషయం తెలిసిందే.

అయితే ఈ చిత్రాన్ని తెలుగుతో పాటు హిందీలో కూడా విడుదల చేయబోతున్నారు. తాజాగా హిందీ వర్షెన్ కు సంబంధించిన ఫస్ట్ లుక్ పోస్టర్ ను విడుదల చేసారు. ఇందులో పవన్ కళ్యాణ్ మొహం కనిపించకుండా డిజైన చేసిన ఈ పోస్టర్ స్టైలిష్ మాస్ లుక్ తో ఆకట్టుకుంటుంది. కానీ ‘సర్దార్ గబ్బర్ సింగ్’ చిత్రాన్ని హిందీలో ఏ సంస్థ విడుదల చేయనుందో, ఆ వివరాలేంటో ప్రకటించలేదు. మరికొద్ది రోజుల్లోనే అధికారికంగా ప్రకటించనున్నారు.

ఇప్పటికే విడుదలైన టీజర్లు, మేకింగ్ వీడియోలు, పోస్టర్లకు భారీ రెస్పాన్స్ వస్తోంది. ‘పవర్‘ ఫేం బాబీ దర్శకత్వంలో రూపొందుతున్న ఈ చిత్రాన్ని భారీ బడ్జెట్ తో నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై శరత్ మరార్, సునీల్ లుల్లాలు సంయుక్తంగా నిర్మిస్తున్నారు. యంగ్ సౌత్ ఇండియన్ రాక్ స్టార్ దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈనెల 20న గ్రాండ్ గా విడుదల చేయనున్నారు.

కమర్షియల్ హైవోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రంలో పవన్ సరసన కాజల్ హీరోయిన్ గా నటిస్తుంది. రాయ్ లక్ష్మీ, సంజనలు ముఖ్య పాత్రలలో నటిస్తున్నారు. భారీ అంచనాలతో రూపొందుతున్న ఈ చిత్రాన్ని ఏప్రిల్ 8న గ్రాండ్ గా, ప్రపంచ వ్యాప్తంగా విడుదల చేయనున్నారు.