ప్రొడ్యూసర్ గా మారిన ఎ.ఆర్ రెహమాన్

Posted: 03/11/2016 07:47 AM IST

ఆస్కార్ గ్రహీత ఏఆర్ రెహ్మాన్ నిర్మాతగా మారారు. అంతేకాదు ఆ మ్యూజిక్ మ్యాస్ట్రో ఇప్పుడు స్క్రీప్ట్ రైటర్‌గా కూడా టాలెంట్ చూపించనున్నారు. '99 సాంగ్స్' టైటిల్‌తో వస్తున్న ఆ పోస్టర్‌ను రెహ్మాన్ ఫేస్‌బుక్‌లో పోస్ట్ చేశారు. ఆ రొమాంటిక్ ఫిల్మ్ పోస్టర్‌ను ఆకర్షణీయంగా తయారు చేశారు. ఆకాశంలో వేలాడుతున్న పియానోను ఓ జంట పట్టుకుని వేలాడుతుంది. తొలుత ఈ మూవీని రెహ్మాన్ డైరక్షన్ చేయాలనుకున్నారు. కానీ ఇప్పుడా బాధ్యతలను విశ్వేష్ కృష్ణమూర్తికి అప్పగించారు. టీవీ డాక్యుమెంటరీ 'ద దివారిస్ట్స్' తీసిన విశ్వేష్ ఇప్పుడు రెహ్మాన్ సబ్జెక్ట్‌కు దర్శకత్వం వహించనున్నారు.

రెహమాన్ నిర్మాణసారద్యంలో తెరకెక్కుతున్న ఈ సినిమాలో మొత్తం పది పాటలు ఉంటాయి. వైఎం మూవీ బ్యానర్‌తో సినిమాను నిర్మిస్తున్నారు. ఓ గాయకుడి కథా నేపథ్యంతో ఫిల్మ్‌ను రూపొందిస్తున్నారు. '99 సాంగ్స్' ఓ సున్నితమై కథ అని, ఓ కళాకారుడి జీవన ప్రయాణం ఆ మూవీలో దర్శనమిస్తుందని రెహ్మాన్ అన్నారు. మూవీ పోస్టర్‌ను రిలీజ్ చేయడం సంతోషంగా ఉందన్నారు. ఈ ఫిల్మ్ కోసం రెహ్మాన్ ఇప్పటికే అయిదు గీతాలకు సంగీతాన్ని సమకూర్చారు. వచ్చే ఏడాది ఈ సినిమాను రిలీజ్ చేయనున్నారు.

'' మీ అందరి సహకారం, ఆశీస్సులతో .. నా సినిమా మొదటి పోస్టర్.. షేర్ చేస్తున్నా' అని ఆయన ట్వీట్ చేశారు అటు ఈ సినిమా దర్శకుడు ముఖేస్ చాబ్రా కూడా ఈ పోస్టర్ ను తన ట్విట్టర్ పోస్ట్ చేశారు. రెహమాన్ చిత్రంలో భాగస్వామి కావడం తనకు గొప్ప అనుభవాన్ని మిగిల్చిందని తెలిపారు.