యువ దర్శకుడితో శర్వానంద్ సినిమా

Posted: 02/04/2016 04:07 PM IST

‘రన్ రాజా రన్’, ‘మళ్ళీ మళ్ళీ ఇది రాని రోజు’, ‘ఎక్స్ ప్రెస్ రాజా’ వంటి వరుస హ్యాట్రిక్ హిట్ చిత్రాలతో శర్వానంద్ ఫుల్ ఖుషీలో వున్నాడు. ఈ సంక్రాంతికి ఎన్టీఆర్, బాలకృష్ణ, నాగార్జున వంటి అగ్ర, స్టార్ హీరోల సినిమాలు విడుదలైనప్పటికీ.. వారితో పోటీగా శర్వానంద్ తన ‘ఎక్స్ ప్రెస్ రాజా’ చిత్రాన్ని విడుదల చేసి, భారీ హిట్టును సొంతం చేసుకున్నాడు.

సంక్రాంతి కానుకగా విడుదలైన ‘ఎక్స్ ప్రెస్ రాజా’ హౌస్ ఫుల్ కలెక్షన్లతో కొనసాగుతోంది. ఇదిలా వుంటే శర్వానంద్ తన తదుపరి చిత్రంపై దృష్టిసారించాడు. తాజాగా శర్వానంద్ ఓ యంగ్ డైరెక్టర్ కు గ్రీన్ సిగ్నల్ ఇచ్చినట్లుగా తెలిసింది. సందీప్ కిషన్ తో ‘రారా కృష్ణయ్య’ చిత్రాన్ని తెరకెక్కించిన దర్శకుడు పి.మహేష్ దర్శకత్వంలో శర్వానంద్ ఓ సినిమా చేయడానికి సిద్ధమయినట్లుగా తెలిసింది.

మహేష్ చెప్పిన స్టోరీలైన్ బాగా నచ్చడంతో వెంటనే శర్వానంద్ గ్రీన్ సిగ్నల్ ఇచ్చినట్లుగా సమాచారం. మరికొద్ది రోజుల్లోనే ఈ ప్రాజెక్టుకు సంబంధించిన వివరాలు అధికారికంగా ప్రకటించనున్నారు.