కన్ఫర్మ్: ‘ఇరుధి సుట్రు’ రీమేక్ లో వెంకటేష్

Posted: 01/29/2016 10:49 AM IST

Venkatesh confirmed in saala khadoos remake

మాధవన్, రితిక సింగ్ ప్రధాన పాత్రలలో రూపొందిన తాజా చిత్రం ‘సాలా ఖడూస్’. (తమిళంలో ‘ఇరుధి సుట్రు’). రాజ్ కుమార్ హిరాణీ, వైనాట్ స్టూడియోస్ సంయుక్తంగా నిర్మించిన ఈ చిత్రానికి సుధ కొంగర దర్శకత్వం వహించారు. బాక్సింగ్ నేపథ్యంలో రూపొందిన ఈ సినిమాలో మాధవన్ బాక్సింగ్ ట్రైనర్ పాత్రలో అద్భుతంగా నటించాడు. రితికకు మాధవన్ బాక్సింగ్ ట్రైనర్ గా కనిపించాడు.

‘సాలా ఖడూస్’ నేడు (జనవరి 29) తమిళం, హిందీ భాషలలో ప్రపంచ వ్యాప్తంగా విడుదలయ్యింది. ఈ సినిమాను తెలుగులోకి రీమేక్ చేయబోతున్నారు. మాధవన్ పాత్రలో విక్టరీ వెంకటేష్ నటించనున్నాడు. ఒరిజినల్ వర్షెన్ కు దర్శకత్వం వహించిన సుధ కొంగర.. తెలుగు రీమేక్ కు కూడా దర్శకత్వం వహించనున్నారు. త్వరలోనే ఈ సినిమాకు సంబంధించిన నటీనటులు, సాంకేతికనిపుణుల వివరాలు తెలియజేయనున్నారు.

ప్రస్తుతం వెంకటేష్ హీరోగా మారుతి దర్శకత్వంలో రూపొందనున్న ‘బాబు బంగారం’ ప్రాజెక్టు మరికొద్ది రోజుల్లోనే సెట్స్ పైకి వెళ్లనుంది. ఈ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు చివరి దశకు చేరుకున్నాయి. మరికొద్ది రోజుల్లోనే అన్ని వివరాలను అధికారికంగా ప్రకటించనున్నారు.