నాని ‘కృష్ణగాడి వీర ప్రేమగాథ’ టీజర్

Posted: 01/13/2016 10:33 AM IST

‘భలే భలే మగాడివోయ్’ తర్వాత నాని హీరోగా నటిస్తున్న తాజా చిత్రం ‘కృష్ణగాడి వీర ప్రేమగాధ’. ప్రముఖ నిర్మాణ సంస్థ 14 రీల్స్ ఎంటర్ టైన్ మెంట్ బ్యానర్ పై నిర్మాతలు: రామ్ అచంట, గోపీచంద్ అచంట, అనిల్ సుంకర సంయుక్తంగా నిర్మిస్తున్న ఈ చిత్రానికి ‘అందాల రాక్షసి’ ఫేం హను రాఘవపూడి దర్శకత్వం వహిస్తున్నాడు.

తాజాగా విడుదలైన ఈ చిత్ర ఫస్ట్ లుక్ పోస్టర్ కు మంచి రెస్పాన్స్ వచ్చింది. విశాల్ చంద్రశేఖర్ సంగీతం అందిస్తున్న ఈ చిత్ర ఆడియోను జనవరి 18న పలువురు సినీ ప్రముఖుల సమక్షంలో విడుదల చేయనున్నారు. ఇందుకు సంబంధించిన ఆడియో టీజర్ ను తాజాగా విడుదల చేసారు.

ఈ సినిమాతో మెహరీన్ హీరోయిన్ గా పరిచయమవుతోంది. ఇందులో బాలయ్య వీరాభిమానిగా నాని కనిపించబోతున్నాడు. బ్యూటీఫుల్ లవ్, మాస్ ఎంటర్ టైనర్ గా రూపొందుతున్న ఈ చిత్రాన్ని ఫిబ్రవరి మొదటి వారంలో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.