దర్శకేంద్రుడికి అల్లు పురస్కారం.. చిరు, చరణ్, బన్నీల రాక

Posted: 01/05/2016 04:51 PM IST

ఇప్పటికే టాలీవుడ్ లో ఎన్నో అవార్డులు, రివార్డులు, పురస్కారాలను అందుకుని, టాలీవుడ్ లో దర్శకేంద్రుడిగా తనకంటూ ఓ ప్రత్యేక స్థానాన్ని సంపాదించుకున్న దర్శకుడు కె.రాఘవేంద్ర రావు. అలాంటి ఈ దర్శకేంద్రుడికి మరో అరుదైన గౌరవం దక్కింది.

ప్రతీ ఏటా ప్రముఖ హాస్య నటుడు అల్లు రామలింగయ్య పేరుతో పురస్కారాన్ని అందజేస్తున్న విషయం తెలిసిందే. అయితే ఈ ఏడాది అల్లు రామలింగయ్య పురస్కారాన్ని కె.రాఘవేంద్ర రావు అందుకోనున్నారు. చిత్ర పరిశ్రమకు ఎన్నో సేవలను అందించిన వారిలో కె.రాఘవేంద్ర రావును ఈ పురస్కారానికి అర్హులుగా ఈ ఏడాదికి ఎంపిక చేసారు.

ఈ ఏడాది అల్లు రామలింగయ్య పురస్కారాన్ని కె.రాఘవేంద్ర రావుకు రేపు సాయంత్రం హైదరాబాద్ లోని ‘సత్యసాయి నిగమాగమం’లో మెగాస్టార్ చేతుల మీదుగా అందజేయనున్నారు. ఈ కార్యక్రమానికి మెగాపవర్ స్టార్ రాంచరణ్ తేజ, స్టైలిష్ స్టార్ అల్లు అర్జున్ లు అతిథులుగా విచ్చేయనున్నారు. వీరితో పాటు పలువురు సినీ, రాజకీయ ప్రముఖులు హాజరుకానున్నారు.