అమితాబ్ ను వద్దని చెప్పిన సూపర్ స్టార్

Posted: 01/04/2016 11:03 AM IST

గతంలో తమిళ సూపర్ స్టార్ రజనీకాంత్ హీరోగా దర్శకుడు శంకర్ దర్శకత్వంలో ‘రోబో’ చిత్రం వచ్చిన విషయం తెలిసిందే. ఈ సినిమా ప్రపంచ వ్యాప్తంగా విడుదలై మంచి విజయం సాధించింది. ప్రస్తుతం ఈ చిత్రానికి సీక్వెల్ గా ‘2.0’ పేరుతో చిత్రం తెరకెక్కుతోంది. ఇందులో రజనీకాంత్ సరసన ఎమీ జాక్సన్ హీరోయిన్ గా నటిస్తుంది. బాలీవుడ్ హీరో అక్షయ్ కుమార్ ఓ కీలక పాత్రలో నటిస్తున్నాడు. ఏఆర్ రెహమాన్ సంగీతం అందిస్తున్నాడు.

అయితే ఇందులో విలన్ పాత్ర కోసం ముందుగా దర్శకుడు శంకర్ తనని సంప్రదించారని బాలీవుడ్ బిగ్ బి అమితాబ్ బచ్చన్ ఇటీవలే ఓ ఇంటర్వ్యూలో వెల్లడించారు. ఈ సినిమా గురించి అమితాబ్ మాట్లాడుతూ... శంకర్ తనను ఈ సినిమాలోని ఓ పాత్ర కోసం సంప్రదించగానే, తాను వెంటనే రజనీకి ఫోన్ చేసానని, కానీ రజనీ వెంటనే తనను విలన్ గా యాక్సెప్ట్ చేయలేరని, అందుకే చెప్పమని అన్నారని అమితాబ్ చెప్పుకొచ్చాడు.

ఈ పాత్రలో తనను నటించొద్దని రజనీ సూచించారని, అందుకే నటించడానికి ఒప్పుకోలేదని బిగ్‌ బి తెలిపారు. అయితే ఈ సినిమా కోసం ప్రస్తుతం అక్షయ్ కుమార్ తన బాడీ ఫిట్ నెస్ కోసం ట్రైనింగ్ తీసుకుంటున్నాడు. డిసెంబర్ 16నుంచి ప్రారంభమైన ఈ సినిమా ప్రస్తుతం శరవేగంగా షూటింగ్ జరుపుకుంటోంది. చెన్నైలో ఈ సినిమా కోసం వేసిన ప్రత్యేక సెట్‌లో రజనీ పాల్గొంటుండగా పలు సన్నివేశాలను చిత్రీకరిస్తున్నారు.