అభిమానులే ఆయన జ్ఞాపకాలను కాపాడుకోవాలి

Posted: 01/01/2016 06:20 PM IST

తమిళనాడు మాజీ ముఖ్యమంత్రి, సినీనటుడు ఎంజీఆర్ ఇంటిని బాగుచేయించడం కోసం ఒక్కో అభిమాని ఒక్క రూపాయి ఇస్తే చాలునంటుంది అలనాటి ప్రఖ్యాత నటి సరోజదేవి. దివంగత మహానటులు ఎంజీయార్, శివాజీ గణేశన్‌ల సహకాల నటిగా సరోజ మంచి గుర్తింపునే సాధించారు, అయితే ఇటీవల చెన్నైలో కురిసిన కుండపోత వానతో ఎంజీఆర్ ఇళ్లు కూడా బాగా దెబ్బతినిందట.   చెన్నైలోని ఎంజీయార్ నివసించిన ఇల్లు పూర్తిగా ధ్వంసమైందని ఆయన జ్ఞాపకాలుగా వున్న వస్తువులు చాలా వరకు కొట్టుకుపోయాయని, మరికొన్ని పాడైపోయాయని తెలిసి చాలా బాధ అనిపించిందని అన్నారు.

మనిషిగా వచ్చి దైవంగా పోయిన వ్యక్తి ఎంజీయార్. ఆయన ఇంటిలో కూర్చొని భోజనం చేశానన్నారు. ఎంజీయార్ ఇంటిని ఆయన అభిమానులు పరిరక్షించుకోవాలి. ఒక్కో అభిమాని ఒక్క రూపాయి చొప్పు ఇచ్చినా ఎంజీయార్ ఇల్లును సుందరంగా మార్చుకోవచ్చునన్నారు. ఇక నటుడు శింబు వివాదం పత్రికల్లో, ఎలక్ట్రానిక్ మీడియాల్లో చూశానన్నారు. ఆయన తన తప్పుకు క్షమాపణ చెప్పి వుండవచ్చు. మనమైనా ఆయన్ను క్షమించి ఉండాల్సింది. శింబు తల్లిదండ్రులు ఆవేదన చూస్తే పాపం అనిపించిందని అమె అవేదన వ్యక్తం చేశారు.