పవర్ స్టార్ కోసం పాట పాడేసిన యంగ్ టైగర్

Posted: 12/24/2015 11:49 AM IST

Ntr singing for puneet raj kumar 25th film

కన్నడ పవర్ స్టార్ పునీత్ రాజ్ కుమార్ కోసం యంగ్ టైగర్ ఎన్టీఆర్ ఓ పాట పాడబోతున్నట్లుగా గతకొద్దిరోజులుగా వార్తలొస్తున్నాయి. అయితే తాజాగా ఈ పాటను ఎన్టీఆర్ పాడారు. ఇక ఈ సినిమా విశేషాలెంటంటే...

పునీత్ ప్రస్తుతం నటిస్తున్న తాజా చిత్రం ‘చక్రవ్యూహ’. ఈ సినిమా పునీత్ కు 25వ చిత్రం, అలాగే ‘నాన్నకు ప్రేమతో’ చిత్రం కూడా ఎన్టీఆర్ కు 25వ సినిమా. ఇద్దరూ కూడా స్టార్ హీరోలే. పునీత్ కోసం ఎన్టీఆర్ పాడారు. థమన్ సంగీతం అందిస్తున్న ఈ ‘చక్రవ్యూహ’ సినిమాలోని ఓ పాటను ఎన్టీఆర్ తాజాగా పాడారు.

NTR sings for Puneeth Rajkumar 25th film-02

ఇందుకు సంబంధించిన ఫోటోలను ఎన్టీఆర్ తన ట్విట్టర్ ద్వారా పోస్ట్ చేసాడు. థమన్, పునీత్ లతో కలిసి ఎన్టీఆర్ సెల్ఫీ దిగాడు. ఈ పాటను త్వరలోనే యూట్యూబ్ లో విడుదల చేయనున్నారు. మరి ఇప్పటివరకు తెలుగులో తన సినిమాల్లో పాటలు పాడిన ఎన్టీఆర్... మరి కన్నడంలో పునీత్ కోసం పాడిన ఈ పాట ఎలాంటి విజయం సాధించనుందో చూడాలి.

ఇక ప్రస్తుతం ఎన్టీఆర్ హీరోగా సుకుమార్ దర్శకత్వంలో తెరకెక్కుతున్న ‘నాన్నకు ప్రేమతో’ చిత్రం విడుదలకు సిద్ధమవుతోంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈనెల 27న గ్రాండ్ గా విడుదల చేయనున్నారు. ఇందులో ఎన్టీఆర్ సరసన రకూల్ ప్రీత్ సింగ్ హీరోయిన్ గా నటించింది. సంక్రాంతి కానుకగా ‘నాన్నకు ప్రేమతో’ విడుదల కానుంది.