నలుగురిని లైన్లో పెట్టిన ‘లోఫర్’

Posted: 12/16/2015 04:35 PM IST

‘ముకుంద’ సినిమాతో హీరోగా ఎంట్రీ ఇచ్చిన మెగా బ్రదర్ నాగబాబు తనయుడు వరుణ్ తేజ... ఆ తర్వాత ‘కంచె’ సినిమాతో ప్రేక్షకుల ముందుకొచ్చాడు. ఈ రెండు సినిమాలు కమర్షియల్ గా అనుకున్న స్థాయిలో విజయం సాధించలేకపోయాయి. ప్రస్తుతం వరుణ్ హీరోగా టాలీవుడ్ ఎనర్జిటిక్ డైరెక్టర్ పూరీ జగన్నాథ్ దర్శకత్వంలో ‘లోఫర్’ చిత్రం చేసాడు. ఈ సినిమా రేపు ప్రేక్షకుల ముందుకు రానుంది.

అయితే ఈ సినిమా విడుదల కాకముందే మరో నాలుగు సినిమాలకు గ్రీన్ సిగ్నల్ ఇచ్చేసాడు వరుణ్. ‘లోఫర్’ తర్వాత ప్రముఖ దర్శకుడు గోపిచంద్ మలినేని దర్శకత్వంలో ఓ సినిమా చేయనున్నాడు. అలాగే వరుణ్ కు ‘కంచె’ వంటి విభిన్నమైన చిత్రాన్ని అందించిన దర్శకుడు క్రిష్ దర్శకత్వంలోనే ‘రాయబారి’ అనే పేరుతో ఓ సినిమా చేయనున్నాడు.

ఇవే కాకుండా ప్రముఖ నిర్మాత దిల్ రాజు బ్యానర్లో వరుణ్ హీరోగా ‘ఫీల్ మై లవ్’ అనే పేరుతో ఓ సినిమా రూపొందనుంది. అలాగే ‘ప్రస్థానం’ దర్శకుడు దేవకట్టా దర్శకత్వంలో వరుణ్ హీరోగా ఓ సినిమా రూపొందనుంది. ఇలా హిట్టు, ఫ్లాపులతో సంబంధం లేకుండా వరుణ్ వరుస సినిమాలతో బిజీ అవుతున్నాడు. మరి ఇందులో ఏయే సినిమాలు హిట్టవుతాయో, వరుణ్ కు ఎలాంటి ఇమేజ్ ను తెచ్చిపెడతాయో చూడాలి.