రాణీ కూతురికి ఖరీదైన కానుకలు

Posted: 12/12/2015 04:56 PM IST

బాలీవుడ్ హీరోయిన్ రాణీముఖర్జీ, ఫిల్మ్ మేకర్ ఆదిత్యా చోప్రా జంటకు రెండు రోజుల క్రితం ఓ పాప జన్మించిన విషయం తెలిసిందే. ఈ పాపకు ‘అదిరా’ అనే పేరును కూడా పెట్టారు. ప్రస్తుతం వీరి కుటుంబ సభ్యులు ‘అదిరా’ రాకతో చాలా సంతోషంగా వున్నారు.

అయితే తమ జీవితాల్లో సంతోషాన్ని నింపిన ఈ చిన్నారి అదిరాకు రాణీ-ఆదిత్యాలు ఓ భారీ కానుకను ఇచ్చేసారు. అదిరాకు కానుకగా రెండు కొత్త భవనాలను గిఫ్టుగా ఇస్తున్నారట. ముంబాయ్ లోని జుహూ ఏరియాలో ప్రస్తుతం ఈ రెండు భవనాలు నిర్మాణ దశలో వున్నాయి.

అదిరా వచ్చిన క్షణం నుంచే ఇలాంటి భారీ గిఫ్టులు కానుకగా ఇస్తే.. ఇక ముందు ముందు ఎలాంటి గిఫ్టులు ఇవ్వనున్నారో చూడాలి. మొత్తానికి రాణీ-ఆదిత్యాలు అదిరా రాకతో సంతోషంతో ఉబ్బితబ్బిబ్బైపోతున్నారు.