ఫస్ట్ లుక్: స్టైలిష్ కాప్ గా విజయ్ ‘థేరి’

Posted: 11/26/2015 10:35 AM IST

‘పులి’ తర్వాత తమిళ స్టార్ హీరో ఇళయథలపతి విజయ్ హీరోగా నటిస్తున్న తాజా చిత్రం ‘థేరి’. ‘రాజా రాణి’ వంటి హిట్ చిత్రాన్ని తెరకెక్కించిన దర్శకుడు అట్లీ దర్శకత్వంలో తెరకెక్కుతునన్న ఈ చిత్రాన్ని కలైపులి ఎస్.థాను సమర్పణలో వి క్రియేషన్స్ బ్యానర్ పై కలైపులి ఎస్.థాను భారీ బడ్జెట్ తో నిర్మిస్తున్నారు.

తాజాగా ఈ చిత్ర ఫస్ట్ లుక్ పోస్టర్లను విడుదల చేసారు. ఈ పోస్టర్లు ఈ సినిమాపై వున్న అంచనాలను భారీగా పెంచేసాయి. ఈ పోస్టర్లు చూస్తుంటే ఇందులో విజయ్ మూడు విభిన్న పాత్రలలో నటిస్తున్నట్లుగా కనిపిస్తోంది. ఇందులో విజయ్ ఓ పోలీస్ కాప్ పాత్రలో నటిస్తున్నాడు.

ఇందులో విజయ్ సరసన సమంత, అమీ జాక్సన్ లు హీరోయిన్లుగా నటిస్తున్నారు. ప్రస్తుతం ఈ చిత్ర షూటింగ్ గోవాలో శరవేగంగా జరుగుతోంది. ఈ చిత్రాన్ని వచ్చే ఏడాది వేసవి సెలవుల్లో విడుదల చేయడానికి సన్నాహాలు చేస్తున్నారు. జివి. ప్రకాశ్ కుమార్ సంగీతం అందిస్తున్నాడు.