‘తను నేను’కు మహేష్ బెస్ట్ విషెస్

Posted: 11/25/2015 01:25 PM IST

ప్రముఖ నిర్మాత రామ్మోహన్.పి దర్శకత్వంలో తెరకెక్కిన ‘తను నేను’ చిత్రానికి సినీ ప్రముఖులు అండగా నిలుస్తూ, బెస్ట్ విషెస్ తెలియజేస్తున్నారు. ‘వర్షం’ వంటి భారీ హిట్ చిత్రాన్ని తెరకెక్కించిన దర్శకుడు శోభన్ తనయుడు సంతోష్ శోభన్ ఈ సినిమాతో హీరోగా ఎంట్రీ ఇస్తున్నాడు. ఈ సినిమా ఈనెల 27వ తేదిన ప్రేక్షకుల ముందుకు రానుంది.

ఈ సినిమా ప్రమోషన్ కార్యక్రమాలను వేగవంతం చేసారు చిత్ర యూనిట్. సంతోష్ శోభన్ గురించి మరియు చిత్రానికి ఇప్పటికే చాలా మంది హీరోలు, దర్శకులు ఆల్ ది బెస్ట్ తెలియజేసారు. త్రివిక్రమ్, కృష్ణవంశీ, రవితేజ, నాని, రాజ్ తరుణ్ తదితర సినీ ప్రముఖులు విషేస్ తెలియజేసారు. తాజాగా ఈ సినిమాకు సూపర్ స్టార్ ప్రిన్స్ మహేష్ బాబు కూడా తన బెస్ట్ విషేస్ ను తెలియజేసారు.

తన సోషల్ మీడియా ట్విట్టర్ అకౌంట్ ద్వారా ‘తను నేను’ చిత్రానికి మహేష్ తన బెస్ట్ విషేస్ ను తెలియజేసాడు. డి.సురేష్‌బాబు సమర్పణలో సన్‌షైన్‌ సినిమా, వయాకామ్‌ 18 పిక్చర్స్‌ పతాకాలపై స్వీయ దర్శకత్వంలో రామ్మోహన్‌ పి. నిర్మిస్తున్న లవ్‌ అండ్‌ ఫ్యామిలీ ఎంటర్‌టైనర్‌ ‘తను నేను’ అన్ని కార్యక్రమాలను పూర్తి చేసుకుంది. బ్యూటిఫుల్ రొమాంటిక్ లవ్ ఎంటర్ టైనర్ గా రూపొందిన ఈ చిత్రంలో ప్రముఖ నటుడు, దర్శకుడు రవిబాబు ముఖ్య పాత్రలో నటించాడు.