సూపర్ స్టార్ రజనీపై కోర్టులో పిటీషన్

Posted: 11/20/2015 03:44 PM IST

తమిళ సూపర్ స్టార్ రజినీకాంత్ పై చెన్నైలోని రాణిపేట మునిసిఫ్ కోర్టులో గురువారం పిటీషన్ దాఖలు అయ్యింది. న్యాయమూర్తులకు వ్యతిరేకంగా రజనీకాంత్ సంచలన వ్యాఖ్యలు చేసారంటూ పీఎంకే నాయకుడు, న్యాయవాది జానకీరామన్ పిటీషన్ దాఖలు చేసారు.

ఈ పిటీషన్ లో సెప్టెంబర్ 12న చెన్నైలో జరిగిన ఓ కార్యక్రమంలో రజనీకాంత్ న్యాయలోకాన్ని, న్యాయమూర్తుల్లి కించపరిచే విధంగా పరోక్ష వ్యాఖ్యలు చేసారని తెలియజేసారు. దేశంలో రాజకీయాలు బ్రష్టుపట్టినా, ప్రజలు చెడ్బవాళ్లుగా మారినా, న్యాయమూర్తులు నిజాయితీతో వ్యవహరిస్తే దేశం బాగుంటుందని రజనీకాంత్ స్పందించడం వల్ల.. న్యాయమూర్తలను ఎంత అవమానపరుస్తున్నారో అర్థం చేసుకోవచ్చని ఆ పిటీషన్ లో సూచించారు.

ఈ విషయంపై ముందుగా రాణిపేట పోలీసులకు, తర్వాత జిల్లా ఎస్పీకి ఫిర్యాదు చేయడం జరిగిందని.. కానీ వారెవ్వరు చర్యలు తీసుకోని దృష్ట్యా కోర్టును ఆశ్రయించినట్లుగా తన పిటీషన్లు వివరించారు. ఈ పిటీషన్ ను కోర్టు పరిశీలించి, విచారణ చేపట్టనుంది. గత కొద్ది రోజుల క్రితం ఇదే విధంగా న్యాయలోకానికి వ్యతిరేఖంగా వ్యాఖ్యలు చేసారంటూ సినీ రచయిత వైరముత్తుపై కూడా కొందరు మద్రాసు హైకోర్టును ఆశ్రయించారు.