మొత్తం సొంత డబ్బా కొట్టేసుకున్న షారుక్ ‘ఫ్యాన్’

Posted: 11/02/2015 12:44 PM IST

బాలీవుడ్ బాద్షా షారుక్ ఖాన్ నటిస్తున్న తాజా చిత్రం ‘ఫ్యాన్’. తాజాగా షారుక్ ఖాన్ పుట్టినరోజు(నవంబర్2) సంధర్భంగా ఈ సినిమాకు సంబంధించిన ఫస్ట్ లుక్ టీజర్ ను విడుదల చేసారు. ఈ ట్రైలర్ చూస్తుంటే ‘ఫ్యాన్’ సినిమా మొత్తం కూడా షారుక్ సొంతం డబ్బా స్టోరీ వున్నట్లుగానే అనిపిస్తుంది.

సినిమా హీరో షారుక్ ఖాన్ అభిమాని పాత్రలో షారుక్ నటిస్తున్నాడు. అలాగే షారుక్ గెటప్ మరియు ఈ ట్రైలర్ పై అభిమానులు కాస్త నిరాశగా వున్నారు. ఈ సినిమాపై అభిమానులు ఎన్నో అంచనాలు పెంచుకోవడం.. కానీ ఆ అంచనాలను అందుకునే స్థాయిలో టీజర్ సైతం లేకపోవడంతో అభిమానులు నిరాశ చెందుతున్నారు.

మనీష్ శర్మ దర్శకత్వంలో తెరకెక్కుతున్న ఈ చిత్రాన్ని ఆదిత్య చోప్రా భారీ బడ్జెట్ తో నిర్మిస్తున్నారు. ఈ చిత్రాన్ని వచ్చే ఏడాది వేసవి సెలవుల్లో విడుదల చేయనున్నారు. మరి ఈ సినిమా ఎలాంటి విజయం సాధిస్తుందో, అభిమానులకు ఎలాంటి ఆనందాన్ని అందిస్తుందో త్వరలోనే తెలియనుంది.