అదరగొడుతున్న టైగర్ ‘ఎ ఫ్లైయింగ్ జట్ట్’ ఫస్ట్ లుక్

Posted: 10/27/2015 11:43 AM IST

బాలీవుడ్ నటుడు జాకీ ష్రాఫ్ తనయుడు టైగర్ ష్రాఫ్ ‘హీరోపంతి’ సినిమాతో హీరోగా బాలీవుడ్ లో ఎంట్రీ ఇచ్చిన విషయం తెలిసిందే. ఈ సినిమా కమర్షియల్ గా విజయం సాధించకపోయినప్పటికీ, టైగర్ డాన్సులు, యాక్టింగ్ లకు మంచి మార్కులే పడ్డాయి. ఆ తర్వాత టైగర్ ష్రాఫ్ చేసిన పలు ప్రైవేట్ వీడియో ఆల్బం లకు భారీ రెస్పాన్స్ వచ్చాయి.

ప్రస్తుతం టైగర్ ష్రాఫ్ నటిస్తున్న తాజా చిత్రం ‘ఎ ఫ్లైయింగ్ జట్ట్’. బాలాజీ మోషన్ పిక్చర్స్ సమర్పణలో రూపొందుతున్న ఈ చిత్రాన్ని శోభ కపూర్, ఏక్తా కపూర్ సంయక్తంగా నిర్మిస్తున్నారు. ‘ఎబిసిడీ’ చిత్రంతో దర్శకుడిగా మంచి పేరును దక్కించుకున్న రెమో డిసౌజా ఈ చిత్రానికి దర్శకత్వం వహిస్తున్నారు.

తాజాగా ఈ చిత్రానికి సంబంధించిన ఫస్ట్ లుక్ పోస్టర్ ను విడుదల చేసారు. ఇందులో టైగర్ లుక్ చాలా కొత్తగా వుంది. సూపర్ మ్యాన్ తరహా లుక్ అదరగొడుతున్నాడు. ఈ ఫస్ట్ లుక్ చూస్తుంటే సినిమా ఎలా వుండబోతుందోననే ఉత్కంఠ కలుగుతోంది. ఈ చిత్రాన్ని వచ్చే ఏడాది వేసవి సెలవుల్లో విడుదల చేయనున్నారు.