నేడే కళ్యాణ్ రామ్ ‘షేర్’ పాటల సందడి

Posted: 10/10/2015 01:49 PM IST

‘పటాస్’ వంటి భారీ బ్లాక్ బస్టర్ హిట్ తర్వాత నందమూరి కళ్యాణ్ రామ్ హీరోగా నటిస్తున్న ‘షేర్’ చిత్రం విడుదలకు సిద్ధమవుతోంది. సాయి నిహారిక, శరత్ చంద్ సమర్పణలో విజయలక్ష్మీ పిక్చర్స్ బ్యానర్ పై మల్లికార్జున్ దర్శకత్వంలో రూపొందుతున్న ఈ చిత్రాన్ని కొమర వెంకటేష్ నిర్మిస్తున్నారు.

ఎస్.ఎస్.థమన్ సంగీతం అందిస్తున్న ఈ చిత్ర ఆడియో విడుదల కార్యక్రమం ఈరోజు హైదరాబాద్ లోని పార్క్ హయాత్ హోటల్లో చాలా గ్రాండ్ గా జరుగనుంది. ఈ కార్యక్రమానికి యంగ్ టైగర్ ఎన్టీఆర్ ముఖ్య అతిథిగా విచ్చేయనున్నారు. అంతే కాకుండా ఈ ఆడియో ఎన్టీఆర్ చేతుల మీదుగా విడుదల కానుంది.

భారీ యాక్షన్ ఎంటర్ టైనర్ గా రూపొందుతున్న ఈ చిత్రంలో కళ్యాణ్ రామ్ సరసన సోనాల్ చౌహాన్ హీరోయిన్ గా నటిస్తుంది. ఇప్పటికే ఈ చిత్ర షూటింగ్ పూర్తయ్యింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. ఈ చిత్రాన్ని అక్టోబర్ 30వ తేదిన గ్రాండ్ గా ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు.