లారెన్స్ విడుదల చేసిన ‘బ్రూస్ లీ2’ ఆడియో

Posted: 10/09/2015 04:35 PM IST

Ram charan brucelee2 the fighter movie tamil audio released

శ్రీనువైట్ల దర్శకత్వంలో మెగాపవర్ స్టార్ రాంచరణ్ తేజ, రకూల్ ప్రీత్ సింగ్ హీరోహీరోయిన్లుగా నటిస్తున్న తాజా చిత్రం ‘బ్రూస్ లీ’. తమిళంలో ఈ చిత్రాన్ని ‘బ్రూస్ లీ2’ పేరుతో విడుదల చేయబోతున్నారు. తమిళంలో భద్రకాళి ఫిల్మ్స్ అధినేత భద్రకాళి ప్రసాద్ విడుదల చేయనున్నారు.

థమన్ సంగీతం అందించిన ఈ చిత్ర ఆడియో ఇటీవలే విడుదలై బ్లాక్ బస్టర్ హిట్ గా నిలుస్తోంది. అయితే ఈ చిత్ర తమిళ వర్షెన్ ఆడియో విడుదల కార్యక్రమం తాజాగా జరిగింది. ఈ కార్యక్రమానికి తమిళ దర్శకులు గౌతమ్ మీనన్, రాఘవ లారెన్స్ లతో పాటుగా దర్శకులు శ్రీనువైట్ల, హీరోయిన్ రకూల్ ప్రీత్ సింగ్ తదితరులు పాల్గొన్నారు.

ఈ సంధర్భంగా దర్శకులు రాఘవ లారెన్స్ ఆడియో సిడీని విడుదల చేసారు. అలాగే ఈ చిత్ర తమిళ వర్షెన్ థియేటర్ ట్రైలర్ ను విడుదల చేసారు. అరుణ్ విజయ్ కుమార్, కృతి కర్బందా, నదియా ముఖ్య పాత్రలలో నటించారు. భారీ అంచనాలతో రూపొందుతున్న ఈ చిత్రాన్ని అక్టోబర్ 16న ప్రపంచ వ్యాప్తంగా ఘనంగా విడుదల చేయడానికి చిత్ర యూనిట్ సన్నాహాలు చేస్తున్నారు.