ఈ సు‘కుమారీ’ మహేష్ మనస్సు దోచింది..

Posted: 10/04/2015 09:08 PM IST

Mahesh calls kumari 21f teaser top notch work

'ప్రిన్స్' మహేష్ బాబు మనస్సును ఓ సుకుమారి దోచింది. అదేంటి ఆతివళ మనస్సును దోచే రాజకుమారుడి మనస్సును దోచిన సుకుమారీ ఎవరా అంటూ ఆశ్చర్యపోతున్నారా..? సుకుమార్ దర్శకత్వంలో వస్తున్న కుమారీ 21 ఎఫ్ చిత్రం టీజర్ ఆయన మనన్సును దోచేసింది. సుకుమార్ తొలిసారిగా నిర్మాతగా మారి తెరకెక్కిస్తున్న కుమారి 21ఎఫ్ సినిమా టీజర్ తనకెంతో బాగా నచ్చిందంటూ మహేష్ ప్రశంసించాడు. ఇటీవల జూనియర్ ఎన్టీఆర్ చేతుల మీదుగా రిలీజ్ అయిన ఈ సినిమా టీజర్ పై ప్రశంసల జల్లు కురింపించాడు.

'కుమారి 21ఎఫ్ టీజర్ చాలా ఇంప్రెసివ్గా ఉందంటూ సామాజిక మాద్యమం ట్విట్టర్ ద్వారా తన అభిమానులతో పంచుకున్నాడు.. రత్నవేలు ఛాయాగ్రహణం, దేవీశ్రీ ప్రసాద్ సంగీతం చాలా బాగున్నాయి. సుకుమార్ టీమ్ కు తన అభినందనలు తెలిపాడు. ఇతర హీరోలు, దర్శకుల సినిమాలను ప్రశంసిస్తూ తన పెద్ద మనసు చాటుకోవడం రాజకుమారుడికి అలవాటే అన్న వార్తలు కూడా వినబడుతున్నాయి. బాహుబలి రిలీజ్ సమయంలో తన సినిమాను వాయిదా వేసుకున్న ప్రిన్స్ అభిమానులతో పాటు ఇండస్ట్రీ వర్గాల మనసు కూడా గెలుచుకున్నాడు.

జి మనోహర్